မိုရီနိုရဲ့ ပင်နယ်တီ သွင်းဂိုးနဲ့ အဝေးကွင်းမှာ အနိုင်ရခဲ့တဲ့ ဗီလာရီးရဲယ်

ဒိုင်နမိုဇာဂရက်ဘ် ၀ – ၁ ဗီလာရီးရဲယ်

မနေ့ညက ယှဉ်ပြိုင်ကစားခဲ့တဲ့ ယူရိုပါလိဂ် ကွာတားဖိုင်နယ် နောက်ထပ်ပွဲစဉ် တစ်ပွဲမှာတော့ ဗီလာရီးရဲယ်တို့ ဒိုင်နမိုဇာဂရက်ဘ် အိမ်ကွင်း ခရိုအေးရှားမြေမှာ ၀-၁ ရလဒ်နဲ့ အနိုင်ရသွားခဲ့ပါတယ်။ ဗီလာရီးရဲယ်တို့ ဒိုင်နမိုဇာဂရက်ဘ် ရဲ့ မာကျောမှုကြောင့် ရုန်းကန်ခဲ့ရပေမယ့် ပွဲအပြီးမှာ အဝေးဂိုး ၁ ဂိုးနဲ့ အတူ ကျေနပ်စရာ အခြေအနေတစ်ခုကို ပိုင်ဆိုင်သွားခဲ့ပါတယ်။

ဒီနေ့ပွဲမှာ နှစ်သင်းစလုံး အဓိက ကစားသမားတွေနဲ့ပဲ ပွဲထွက်လာခဲ့ကြီး ဒိုင်နမိုဇာဂရက်ဘ် ဘက်မှာ အော်ဆစ်၊ အိုင်ဗန်နူဆက်၊ မေဂျာ၊ အက်ဒီမီ တို့ပါဝင်ခဲ့ပြီး အူနိုင်း အန်မေရီရဲ့ ဗီလာရီးရဲယ် ဘက်မှာတော့ ဂျရတ်မိုရီနို၊ ချူးကွီဇီ၊ ကာပူး၊ ပယ်ရီဂျိူ၊ ပေါင်တောရက်စ်၊ အဲလ်ဘီယို၊ ဂျူအန်ဖွိုက်တို့ ပွဲထွက်လူစာရင်းမှာ ပါဝင်လာပါတယ်။ ပွဲစတာနဲ့ ဗီလာရီးရဲယ်တို့ အချိတ်အဆက်မိမိနဲ့ ဒိုင်နမိုဇာဂရက်ဘ် ဘက်ကို ဖိအားပေး ကစားနိုင်ခဲ့ပါတယ်။ ဒါပေမယ့်လည်း ဒိုင်နမိုဇာဂရက်ဘ်ရဲ့ မာကျောလှတဲ့ ခံစစ်ကြောင်းကို မိုရီနိုတို့ အုပ်စု ကျော်ဖြတ်ဖို့ ခက်ခဲခဲ့ပါတယ်။ ဒါပေမယ့် ပြိုင်ဘက် နောက်တန်းကို တရစပ် ဖိအားပေးနိုင်ခဲ့တဲ့ ဗီလာရီးရဲယ်တို့ ဂိုးရဖို့ အကြောင်းဖန်လာခဲ့ပါတယ်။ ဒိုင်နမိုဇာဂရက်ဘ် နောက်ခံလူ သီယိုဖိုင်းလ် ကတ်သရင်း ဂိုးဧရိယာထဲမှာ လက်ထိခဲ့လို့ ဗီလာရီးရဲယ်တို့ ပင်နယ်တီ ကန်ခွင့်ရခဲ့ပြီး ဂျရတ် မိုရီနိုက အမှားအယွင်းမရှိ သွင်းယူပေးခဲ့ပါတယ်။ လက်ကျန် ပွဲကစားချိန်တွေမှာလည်း ဗီလာရီးရဲယ်တို့ ဒိုင်နမိုဇာဂရက်ဘ်ကို ဖိအားပေး ကစားသွားခဲ့ပြီး အိမ်ရှင်တို့ကလည်း တန်ပြန် တိုက်စစ် ကနေ တစ်ဆင့် ပြန်လည် ထိုးဖောက်မှုတွေ ပြုလုပ်ခဲ့ပေမယ့် အဆုံးသတ်ပိုင်း လိုအပ်ချက်တွေကြောင့် ၀-၁ ရလဒ်နဲ့ပဲ ပွဲပြီးဆုံးခဲ့ပါတယ်။

တော့တင်ဟမ်ဟော့စပါးကို ခရိုအေးရှားမြေက ယူရိုပါလိဂ် ရှုံးထွက်အဆင့်မှာ ကျော်ဖြတ်ပြခဲ့တဲ့ ဒိုင်နမိုဇာဂရက်ဘ်လို မာကျောတဲ့ အသင်းတစ်သင်းကို ထိရောက်တဲ့ ထိုးဖောက်မှုတွေ အကြိမ်ကြိမ် ပြုလုပ်နိုင်ခဲ့တာကိုပဲ ချီးကျူးရမှာ ဖြစ်ပါတယ်။ — လာလီဂါ အမှတ်ပေးဇယား အဆင့် ၇ နေရာမှာ ရပ်တည်နေတဲ့ ဗီလာရီးရဲယ်

ပွဲပြီးသုံးသပ်ချက်

အူနိုင်းအန်မေရီရဲ့ အသင်းကို ရာသီအစမှာ သိပ်ပြီး မမျှော်လင့်ခဲ့ပေမယ့် လက်ရှိမှာတော့ အသင်းလိုက် ကစားပုံက အားရစရာ ကောင်းနေပါတယ်။ တော့တင်ဟမ်ဟော့စပါးကို ခရိုအေးရှားမြေက ယူရိုပါလိဂ် ရှုံးထွက်အဆင့်မှာ ကျော်ဖြတ်ပြခဲ့တဲ့ ဒိုင်နမိုဇာဂရက်ဘ်လို မာကျောတဲ့ အသင်းတစ်သင်းကို ထိရောက်တဲ့ ထိုးဖောက်မှုတွေ အကြိမ်ကြိမ် ပြုလုပ်နိုင်ခဲ့တာကိုပဲ ချီးကျူးရမှာ ဖြစ်ပါတယ်။ အဝေးဂိုး ရရှိခဲ့တဲ့ ဗီလာရီးရဲယ် ကတော့ စပိန်မြေက ယူရိုပါလိဂ် ဒုတိယအကျော့မှာ ဖိအားကင်းကင်း ကစားပြီး ဂိုးမရှိ သရေကစားနိုင်ရုံနဲ့ နောက်တစ်ဆင့် တက်ရောက်နိုင်မှာ ဖြစ်ပါတယ်။





1X2 ဘန်လေ @ 2.26 ခရစ္စတယ်ပဲလေ့စ် အာရှ ဟန်းဒီးကပ် +0.25 @ 1.94 ဂိုးအောက် 2.00 @ 2.03 Third Line text	ဒီနေရာတွင် နှိပ်ပါ ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။