ဒီတစ်ခါ မှာတော့ ဇူလိုင်လ ၁၈ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
လူကာကူကို မခေါ်ယူဖို့ သတိပေးလိုက်တဲ့ ဂျူဗင်တပ်စ် ကစားသမားဟောင်း
ဂျူဗင်တပ်စ်ရဲ့ ကွင်းလယ်လူဟောင်း မက်ဆီမို မော်ရိုက အသင်း အနေနဲ့ ရိုမယ်လူ လူကာကူကို မခေါ်ယူသင့်ကြောင်း၊ သူက ပရိသတ်တွေကို စိတ်ပျက်စေမှာ ဖြစ်ကြောင်း သတိပေး ပြောကြားလိုက်ပါတယ်။
လူကာကူဟာ လက်ရှိ နွေရာသီမှာ ချဲလ်ဆီး ကနေ အပြီးသတ် ပြောင်းရွှေ့မှာ ဖြစ်ပါတယ်။ ဒါ့အပြင် သူ့ကို ခေါ်ယူဖို့ အတွက် စီးရီးအေ ကလပ်တွေ ဖြစ်တဲ့ အင်တာမီလန်၊ ဂျူဗင်တပ်စ် တို့က အပြိုင် စိတ်ဝင်စားနေကြတာပါ။ ဒါပေမယ့် အင်တာမီလန် ဘက်ကတော့ လူကာကူ အတွက် စိတ်ဝင်စားမှုတွေ ရပ်တန့်သွားခဲ့ပြီး ဂျူဗင်တပ်စ် ပရိသတ်တွေ ကလည်း လူကာကူကို အလိုမရှိကြောင်း ဆန္ဒပြခဲ့ကြပါတယ်။
မော်ရိုက လည်း လူကာကူက အတွေ့အကြုံ ရှိတဲ့ တိုက်စစ်မှူး ဖြစ်ပြီး တစ်ရာသီကို (၃၅) ဂိုးလောက် သွင်းနိုင်ကြောင်း၊ ဒါပေမယ့် သူက သာမန်အခွင့်အရေးတွေ ကိုတောင် ချန်ပီယံလိဂ် ဗိုလ်လုပွဲမှာ လိုမျိုး လွဲချော်တတ်ကြောင်း၊ အင်တာမီလန်က လူကာကူကို မရလို့ အားမနည်းသွားနိုင်ဘဲ အခြား တိုက်စစ်မှူး တစ်ယောက်ကို ရှာဖွေနိုင်ကြောင်း ပြောကြားသွားခဲ့ပါတယ်။
ဘာလိုဂန် အတွက် စီးရီးအေ ကလပ်တွေက ပေါင် ၃၅ သန်း ပေးချေဖို့ ပြင်ဆင်နေ
စီးရီးအေ ကလပ်တွေ ဖြစ်ကြတဲ့ အင်တာမီလန်၊ အေစီမီလန်၊ ဂျူဗင်တပ်စ် တို့ဟာ အာဆင်နယ် တိုက်စစ်မှူး ဖိုလာရင် ဘာလိုဂန် အတွက် ပြောင်းရွှေ့ကြေး ပေါင် (၃၅) သန်း အထိ ပေးချေဖို့ ပြင်ဆင်ထားကြောင်း သိရပါတယ်။
ဒါပေမယ့်လည်း ဒီပမာဏက အာဆင်နယ် တောင်းဆိုနေတဲ့ ပမာဏနဲ့ ဝေးကွာနေဆဲ ဖြစ်ပြီး တရားဝင် ကမ်းလှမ်းမှုတွေလည်း မပြုလုပ်ရသေးပါဘူး။ အာဆင်နယ် ကတော့ ဘာလိုဂန် အတွက် ပြောင်းရွှေ့ကြေး ပေါင်သန်း (၅၀) တောင်းဆိုထားပြီး အချို့ ကတော့ ဘာလိုဂန် အတွက် အဆိုပါ ပြောင်းရွှေ့ကြေးကို ပေးချေလိုခြင်း မရှိပါဘူး။
လက်ရှိမှာတော့ ဘာလိုဂန်က အာဆင်နယ်နဲ့ အတူ ရာသီကြို ခြေစမ်း ခရီးစဥ် အဖြစ် အမေရိကန်ကို ရောက်ရှိနေပြီး ဘာစီလိုနာ၊ မေဂျာလိဂ် All Star၊ မန်ချက်စတာယူနိုက်တက် တို့နဲ့ ခြေစမ်းပွဲတွေ အတွက် လေ့ကျင့် ပြင်ဆင်လျက် ရှိပါတယ်။
စပီဇီယာ နောက်ခံလူ အတွက် အပြိုင် ဖြစ်နေတဲ့ ပရီးမီးယားလိဂ် နှစ်သင်း
ဝက်စ်ဟမ်း ယူနိုက်တက်နဲ့ ဘရိုက်တန်တို့ဟာ စပီဇီယာ နောက်ခံလူ အီမေလ်ဟိုးကို ခေါ်ယူဖို့ အပြိုင်အဆိုင် စိတ်ဝင်စားနေကြကြောင်း သိရပါတယ်။ အဆိုပါ ဆွီဒင် လူမျိုး နောက်ခံလူဟာ ပြီးခဲ့တဲ့ ရာသီက စီးရီးအေမှာ ပထမဆုံးသော ရာသီတစ်ခုကို ဖြတ်သန်းခဲ့ပြီး တောက်ပတဲ့ ခြေစွမ်းတွေကို ပြသနိုင်ခဲ့ပါတယ်။
စပီဇီယာ အနေနဲ့ စီးရီးအေ ကနေ တန်းဆင်းခဲ့ရသည့်တိုင် အီမေလ်ဟိုးရဲ့ ခြေစွမ်းက မှတ်ကျောက်တင်စရာ ဖြစ်ခဲ့ပြီး အသက် (၂၃) နှစ် အရွယ် ဒီကစားသမားကို ခေါ်ယူဖို့ အခြားသော အသင်းတွေက စိတ်ဝင်စားလာကြတာပါ။ အီတလီ အခြေစိုက် သတင်းဌာနတွေရဲ့ ဖော်ပြချက်အရ ဘရိုက်တန်၊ ဝက်စ်ဟမ်းတို့ အပြင် အင်တာမီလန်၊ နာပိုလီ၊ ဂျူဗင်တပ်စ်၊ အတ္တလန္တာ၊ တိုရီနို တို့ကလည်း ဒီကစားသမားကို စိတ်ဝင်စားနေကြကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
