စိတ်ပျက်ဖွယ်ခြေစွမ်းနဲ့ အဝေးကွင်းမှာ အရှက်ရဖွယ်ရှုံးနိမ့်ခဲ့တဲ့ စီးရီးအေချန်ပီယံ

Cagliari 2-0 Juventus

စီးရီးအေ ၉နှစ်ဆက်ချန်ပီယံ ဂျူဗင်တပ်စ်တို့ အဝေးကွင်းမှာ ကယ်ဂလီယာရီကို ၂ဂိုးပြတ်နဲ့ ရှုံးနိမ့်သွားပါတယ်။ပြီးခဲ့တဲ့ ဆမ်ဒိုးရီးယားနဲ့ ပွဲစဉ်အပြီးမှာ ချန်ပီယံဖြစ်သွားခဲ့တဲ့ ဂျူဗင်တပ်စ်တို့ ဒီပွဲမှာ သာမန်ထက်အောက်ရောက်နေတဲ့ စွမ်းဆောင်ရည်ကြောင့် ကယ်ဂလီယာရီလိုအသင်းကို ၂ဂိုးပြတ်နဲ့ အရေးနိမ့်ခဲ့ရတာပါ။ဒီပွဲရဲ့ရလဒ်ဟာ ဂျူဗင်တပ်စ်အတွက် သက်ရောက်မှုမရှိသလို ကယ်ဂလီယာရီအတွက်လည်း အရေးမကြီးခဲ့ပေမယ့် အိမ်ရှင်တို့အနေနဲ့ကတော့ ဂျူဗင်တပ်စ်ကို အနိုင်မရတာကြာပြီဖြစ်တဲ့ စီးရီးအေအစဉ်အလာဆိုးကို ချေဖျက်သွားနိုင်ခဲ့ပါတယ်။





ဂိုးအောက် 2.50 @ 2.50 ဂိုးပေါင်း 2-3 @ 1.82 ပထမပိုင်း ဂိုးပေါ် 1.00 @ 1.98 Third Line text	ဒီနေရာတွင် နှိပ်ပါ ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။

FA ဖလား

အထင်ကရအချက်အလက်

ဒီပွဲမတိုင်ခင်က စီးရီအေရွှေဖိနပ်ဆု လိုချင်နေတဲ့ ဂျူဗင်တပ်စ်တိုက်စစ်မှူး ခရစ်စတီယာနို ရော်နယ်ဒိုဟာ ခြေစွမ်းပြနိုင်မယ်လို့ ထင်ခဲ့ကြပေမယ့် သူ့ရဲ့ ကန်ချက်တော်တော်များများဟာလည်း ပိတ်ဆို့ဖျက်ထုတ်ခံခဲ့ရပါတယ်။ဒီပွဲမှာ သွင်းဂိုးတွေထပ်ရဖို့ အားခဲထားတဲ့ ရော်နယ်ဒိုအတွက်တော့ စိတ်ပျက်စရာကောင်းခဲ့ပြီး စီးရီးအေရွှေဖိနပ်ဆုအတွက် လာဇီယိုတိုက်စစ်မှူး အင်မိုဘီလီကို အလျှော့ပေးလိုက်ရဖို့များသွားပါတယ်။တစ်ပွဲလုံးကို ချုံငုံသုံးသပ်ရမယ်ဆိုရင် ဂျူဗင်တပ်စ်အနေနဲ့ လူစာရင်းအပြည့်နဲ့ ပွဲထွက်လာပြီး တစ်ဖက်သတ်ဖိအားပေးကစားဖို့ ပြင်ဆင်လာခဲ့တာပါ။တစ်ပွဲလုံးဂိုးပေါက်ကန်သွင်းမှု ၃၄ကြိမ်ထိရှိခဲ့ပြီး အိမ်ရှင်ကတော့ ဂိုးပေါက်ခြိမ်းခြောက်မှု ၁၁ကြိမ်သာရှိခဲ့ပါတယ်။ဂျူဗင်တပ်စ်တို့ ဘောလုံးပိုင်ဆိုင်မှု ၆၄ရာခိုင်နှုန်းကျော်ရှိခဲ့ပြီး ဂိုးပေါက်တည့်မှုဟာလည်း ၁၀ကြိမ်ရှိခဲ့ပါတယ်။ဒီပွဲမှာ အိမ်ရှင်ကယ်ဂလီယာရီ အသင်းကို ချီးကျူးရမှာဖြစ်ပြီး ရော်နယ်ဒိုရဲ့ ကန်သွင်းမှု ၄ကြိမ်အပါအ၀င် ၁၃ကြိမ်တိတိတားဆီးကာကွယ်သွားနိုင်ခဲ့ပါတယ်။ပထမဂိုးကိုတော့ ကယ်ဂလီယာရီ ကွင်းလယ်က ဂက်လီယာနို က ပွဲကစားချိန်၈မိနစ်မှာ သွင်းယူပေးခဲ့ပြီး ဆီမြွန်နီက ပထပိုင်းပြီးလို့ နာကျင်အချိန်ပို မှာ အဝေးကန်ချက်နဲ့ ဒုတိယဂိုးကို လှလှပပသွင်းယူပေးသွားတာဖြစ်ပါတယ်။ဆီမြွန်နီကတော့ အက်သလက်တီကိုမက်ဒရစ်နည်းပြ ဒီယေဂိုဆီမြွန်နီနဲ့ သားတော်စပ်သူဖြစ်ပါတယ်။