အဲလ်နာဆာနဲ့ အဲလ်အိန်းတို့ရဲ့ အေအက်ဖ်စီ ချန်ပီယံလိဂ် ကွာတားဖိုင်နယ် ဒုတိယအကျော့ ပွဲစဉ် ကတော့ တော်တော်လေး ဒရမ်မာဆန်ခဲ့ပြီး အပြန်အလှန် သွင်းဂိုးတွေနဲ့ ကြည့်ကောင်းတဲ့ ပွဲတစ်ပွဲ ဖြစ်ခဲ့ပါတယ်။ ဒါ့အပြင် အချိန်ပို ပင်နယ်တီတွေ အထိ ရောက်ခဲ့ပြီး စိတ်မကောင်းစွာနဲ့ပဲ မစ္စတာ ချန်ပီယံလိဂ် ဂုတ်ကြီး ရော်နယ်ဒိုရဲ့ အသင်း ကတော့ ပင်နယ်တီမှာ အရေးနိမ့်ပြီး ပြိုင်ပွဲ ကနေ ထွက်ခွာခဲ့ရပါတယ်။
အဲလ်နာဆာတို့ အိမ်ကွင်းမှာ ပထမအကျော့ ရှုံးကြွေး ပြန်ဆပ်ဖို့ အားခဲခဲ့ပေမယ့် ပထမပိုင်းမှာတင် အယ်လ်အိန်းက နှစ်ဂိုးပြတ်နဲ့ ဦးဆောင်ပြီး နောက်တစ်ဆင့် တက်ဖို့ အခြေအနေကောင်းတွေကို ပိုင်ဆိုင်ခဲ့ပါတယ်။ ဒါပေမယ့်လည်း အဲလ်နာဆာက ဒုတိယပိုင်းမှာ ချေပဂိုးတွေ ဆက်တိုက် သွင်းယူနိုင်ခဲ့လို့ ၃-၂ ဂိုး ဖြစ်သွားခဲ့ပါတယ်။ ဒါကြောင့် အချိန်ပို အထိ ဆက်ကစားခဲ့ရပြီး အချိန်ပို (၁၀၃) မိနစ်မှာလည်း အယ်လ်အိန်းတို့ ၃-၃ ဂိုးစီ သရေကျအောင် ချေပဂိုး သွင်းခဲ့ပေမယ့် ရော်နယ်ဒိုရဲ့ နောက်ကျ ပင်နယ်တီ သွင်းဂိုးကြောင့် ပင်နယ်တီ အဆုံးအဖြတ်ခံယူခဲ့ရပါတယ်။ ပင်နယ်တီ အဆုံးအဖြတ် မှာတော့ အဲလ်အိန်း ဘက်က ပင်နယ်တီ အားလုံး ဝင်ခဲ့ပေမယ့် အဲလ်နာဆာ ဘက်က ဘရိုဇိုဗစ်၊ တဲလက်စ်နဲ့ အော့တာဗီယိုတို့ လွဲချော်ခဲ့ပြီး ရော်နယ်ဒို တစ်ယောက်တည်း ပင်နယ်တီဝင်ခဲ့ပါတယ်။
ဒါကြောင့် နာမည်ကြီး အဲလ်နာဆာတို့ အေအက်ဖ်စီ ချန်ပီယံလိဂ် ကွာတားဖိုင်နယ် အဆင့်နဲ့ပဲ ကျေနပ်ခဲ့ရပြီး တန်ကြေးအရ (၄) ဆကျော် လျော့နည်းတဲ့ အသင်းကို ရှုံးနိမ့်ခဲ့တာကြောင့်လည်း ဝေဖန်မှုတွေ ရင်ဆိုင်နေရပြီ ဖြစ်ပါတယ်။ ရော်နယ်ဒိုဟာလည်း ပွဲချိန် အတွင်း မလွဲချော်သင့် အခွင့်အရေး တစ်ခုကို ဖြုန်းတီးခဲ့မှုကြောင့် ဝေဖန်ခံနေရပေမယ့် တကယ်တမ်း အဲလ်နာဆာကို အချိန်ပို ပင်နယ်တီ အထိ ရောက်အောင် တတ်နိုင်သမျှ ဆွဲခေါ်ခဲ့တာလည်း ရော်နယ်ဒိုပါပဲ။
ရော်နယ်ဒို ကတော့ ယူအီးအက်ဖ်အေ ချန်ပီယံလိဂ်မှာ ရွှေထီးဆောင်းခဲ့ပေမယ့် အေအက်ဖ်စီ ချန်ပီယံလိဂ် မှာတော့ ကျရှုံးခဲ့ရပြီ ဖြစ်ပါတယ်။ ဒါ့အပြင် အဲလ်နာဆာဟာ ဆော်ဒီ ပရိုလိဂ် မှာလည်း ဇယား ထိပ်က အဲလ်ဟီလယ်နဲ့ ၁၂ မှတ် အထိ ကွာဟနေတာကြောင့် ရာသီကုန်မှာ ဖလား လက်မဲ့ ဖြစ်ဖို့ ပိုပြီး နီးစပ်လာခဲ့ပြီလို့ ဆိုရပါမယ်။
အဲလ်နာဆာဟာ လာမယ့် စနေနေ့မှာ အဲလ်အာလီနဲ့ ဆော်ဒီပရိုလိဂ် ပွဲစဉ် ကစားရဖို့ ရှိပြီး အဲလ်အိန်း ကတော့ အက်ဂျ်မန်နဲ့ ပရိုလိဂ် ပွဲစဉ် ဆက်လက် ကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
