ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် ကတော့ ဘာစီလိုနာ ဘယ်နောက်ခံလူ အဲလက်စ် ဘဲလ်ဒီကို ထိပ်တန်း ပစ်မှတ် အဖြစ် သတ်မှတ်လိုက်ပါတယ်။ ယူနိုက်တက်ဟာ အသက် ၂၁ နှစ် အရွယ် စပိန် နောက်ခံလူကို တစ်နှစ် အသားတင် လုပ်ခလစာ ယူရို ၁၂ သန်း (ပေါင် ၁၀ သန်း) နဲ့ ကမ်းလှမ်းဖို့ ပြင်ဆင်နေတယ်လို့ သိရပါတယ်။
ချဲလ်ဆီး ကလည်း နိုနီ မာဒူခေးကို ရောင်းထုတ်ဖို့ အရှိန်အဟုန်မြှင့် ကြိုးပမ်းလာခဲ့ပါတယ်။ ဒီတောင်ပံကစားသမား ကိုတော့ ပရီးမီးယားလိဂ် ပြိုင်ဘက် အက်စတွန်ဗီလာက ကမ်းလှမ်းမှု ပြုလုပ်ဖို့ စိတ်အားထက်သန်နေကြောင်း သိရပါတယ်။
ဘိုလော့ဂ်နာ ကနေ ပြောင်းရွှေ့လာချိန်မှာ အသင်း အတွက် ခြေစွမ်းမပြနိုင်တော့တဲ့ နယ်သာလန် တိုက်စစ်မှူး ဂျော်ရွှာ ဇီယက်ခ်ဇီးကို မန်ချက်စတာယူနိုက်တက်က ရောင်းထုတ်ဖို့ ဆုံးဖြတ်လိုက်ပြီလို့ သိရပါတယ်။ ယူနိုက်တက်ဟာ လာမယ့် နွေရာသီ အပြောင်းအရွှေ့မှာ အသင်းရဲ့ နောက်ထပ် တိုက်စစ်မှူး တစ်ဦး ဖြစ်တဲ့ ရက်စ်မက်စ် ဟွိုက်ဂျ်လန်း ကိုလည်း ရောင်းထုတ်ဖို့ စဉ်းစားထားပါသေးတယ်။ ဒါ့အပြင် ရူဘင် အမော်ရင်က တိုက်စစ်မှူးသစ် တစ်ဦး ခေါ်ယူပေးဖို့ အတွက်လည်း အသင်းကို တောင်းဆိုထားပါသေးတယ်။
အာဆင်နယ်၊ ချဲလ်ဆီး၊ လစ်ဗာပူးလ်နဲ့ မန်စီးတီး တို့ကတော့ ပဲလေ့စ် ကြယ်ပွင့် အဒမ်ဝှာတန်ကို ခေါ်ယူဖို့ အပြိုင်အဆိုင် ကြိုးပမ်းနေကြပါတယ်။ ဒါပေမယ့်လည်း ခရစ္စတယ်ပဲလေ့စ် ဘက်ကတော့ အင်္ဂလန် လက်ရွေးစင် အတွက် ပြောင်းရွှေ့ကြေး ပေါင် သန်း ၁၀၀ တန်ကြေး အလိုရှိနေကြောင်း သိရပါတယ်။
မန်စီးတီး ကလည်း ဝှာတန်ကို စိတ်ဝင်စားခဲ့ပေမယ့် လက်ရှိ မှာတော့ ဘာစီလိုနာ ကွင်းလယ်လူ ပီဒရီကို နွေရာသီတွင် ဦးစားပေး ပစ်မှတ် အဖြစ် သတ်မှတ်ပြီး ခေါ်ယူဖို့ ကြိုးပမ်းသွားဖွယ် ရှိနေပါတယ်။ ပီဒရီ ကတော့ ဘာစီလိုနာနဲ့ အတူ ခြေစွမ်းပြနေပြီး ဘယ်လွန်ဒေါဆု အတွက်တောင် သတင်းတွေ ထွက်နေသူ ဖြစ်ပါတယ်။ ဒါ့အပြင် စပိန်သားလေးက ဒီရာသီမှာ ဘာစီလိုနာနဲ့ အတူ Treble အောင်မြင်မှု ရဖို့ မျှော်လင့်ထားသူလည်း ဖြစ်ပါတယ်။
ပရီးမီးယားလိဂ် ထိပ်သီး ချဲလ်ဆီးနဲ့ မန်စီးတီး တို့ကတော့ ရိုးမားရဲ့ ဆားဘီးယား ဂိုးသမား မိုင်းလ် ဆဗီလာကို ခေါ်ယူဖို့ စိတ်ဝင်စားနေကြကြောင့် Caught Offside က ဖော်ပြပါတယ်။
ရီးရဲလ်မက်ဒရစ် ကတော့ ဗင်နီးစီးယပ်စ် အတွက် ဆော်ဒီပရိုလိဂ်ရဲ့ ကမ်းလှမ်းမှု ပမာဏ တစ်ခုကို လက်ခံဖို့ စဉ်းစားနေကြောင်း သိရပါတယ်။ ဘရာဇီးလ်သားကို ဆော်ဒီပရိုလိဂ် ထိပ်သီး ကလပ် နှစ်ခု ဖြစ်တဲ့ အဲလ်ဟီလာနဲ့ အဲလ်နာဆာ တို့က စိတ်ဝင်စားနေပြီး ဘရာဇီးလ်သားကို ခရစ္စတီယာနို ရော်နယ်ဒို လက်ရှိရနေတဲ့ တစ်နှစ် လုပ်ခလစာ ယူရို သန်း ၂၀၀ (ပေါင် ၁၆၇ သန်း)နဲ့ ကမ်းလှမ်းဖို့ အသင့် ရှိနေကြပါတယ်။ရီးရဲလ်မက်ဒရစ်ရဲ့ လက်ရှိ နည်းပြ ကာလို အန်ဆယ်လော့တီ ကတော့ အခု နွေရာသီမှာ ရီးရဲလ်မက်ဒရစ်နဲ့ လက်တွဲ ဖြုတ်ပြီး ဘရာဇီးလ် လက်ရွေးစင် အသင်း နည်းပြ ဖြစ်လာနိုင်ချေ ရှိနေပါတယ်။ စပိန် မြို့တော် ကလပ် ကလည်း အန်ဆယ်လော့တီရဲ့ နေရာမှာ အစားထိုးဖို့ နည်းပြသစ်တွေ ရှာဖွေလျက် ရှိပြီး လေဗာကူဆင် နည်းပြ ဇာဘီ အလွန်ဆိုနဲ့ လစ်ဗာပူးလ် နည်းပြဟောင်း ယာဂင် ကလော့ပ်ကို ခန့်အပ်ချင်နေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
