ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် ကောလာဟလတွေကို ဖော်ပြပေးသွားမှာ ဖြစ်ပါတယ်။
ပရီးမီးယားလိဂ် ကလပ် မန်ချက်စတာယူနိုက်တက် ကတော့ လာမယ့် ဇန်နဝါရီ အပြောင်းအရွှေ့ ကာလမှာ တောင်ပံ ကစားသမား အန်တိုနီနဲ့ လမ်းခွဲဖို့ ဆုံးဖြတ်လိုက်ပြီလို့ သိရပါတယ်။ ဒီကစားသမား ကိုတော့ ပရီးမီးယားလိဂ် ကလပ်တွေပဲ ဖြစ်တဲ့ ခရစ္စတယ်ပဲလေ့စ်နဲ့ နယူးကာဆယ်ယူနိုက်တက် တို့က အေဂျက်စ် ကစားသမားဟောင်းကို ခေါ်ယူဖို့ စိတ်ဝင်စားနေတယ်လို့ သိရပါတယ်။
ဘင်ဖီကာ အသင်း ကတော့ သူတို့ရဲ့ ဘယ်နောက်ခံလူ အယ်လ်ဗာရို ကာရေရက်စ်ကို ခေါ်ယူချင်ရင် ယူရို သန်း ၅၀ (ပေါင် ၄၁.၈ သန်း) ပေးချေရမယ်လို့ လစ်ဗာပူးလ်ကို အသိပေးလိုက်ပါတယ်။ လစ်ဗာပူးလ်ဟာ ဘယ်နောက်ခံလူ နေရာ အတွက် ကစားသမား တစ်ဦး ရှာဖွေနေတာ ဖြစ်ပြီး ဘင်ဖီကာ ခြေစွမ်းပြ ကစားသမားကို စိတ်ဝင်စားနေခဲ့တာလည်း ဖြစ်ပါတယ်။
အာဆင်နယ်နဲ့ တော့တင်ဟမ်ဟော့စပါး တို့ကတော့ ရှက်တာဒိုးနတ် ကွင်းလယ်လူ ဂျော်ဂျီ ဆူဒါကော့ဗ်ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ ဒီကစားသမား ကိုတော့ အစောပိုင်း မှာကတည်းက မန်စီးတီးနဲ့ လစ်ဗာပူးလ် တို့က ခေါ်ယူဖို့ စိတ်ဝင်စားနေခဲ့ကြတာ ဖြစ်ပါတယ်။
ရီးရဲလ်မက်ဒရစ် ကတော့ ဒန်နီ ကာဗာဟယ် ဒဏ်ရာရသွားခဲ့တာကြောင့် အခုနွေရာသီမှာ အက်စတွန်ဗီလာက ပေါင်သန်း ၃၀နဲ့ ခေါ်ယူဖို့ ပျက်ကွက်ခဲ့တဲ့ ဂျူဗင်တပ်စ် နောက်ခံလူ အန်ဒရီယာ ကမ်ဘီယာဆိုကို ခေါ်ယူဖို့ အာရုံစိုက်နေတယ်လို့ သိရပါတယ်။
ဘာစီလိုနာနဲ့ ချိတ်ဆက်မှုတွေ ရှိနေတယ်လို့ သတင်းတွေ ထွက်နေပေမယ့်လည်း ရိစ် ဂျိမ်းစ်ရဲ့ တစ်ခုတည်းသော မျှော်လင့်ချက် ကတော့ ချဲလ်ဆီးရဲ့ ကစားသမား စာရင်းသို့ ပြန်လည် ရောက်ရှိလာဖို့သာ ဖြစ်ကြောင်း သိရပါတယ်။
ဆော်ဒီပရိုလိဂ် ကလပ် အများအပြား ကတော့ ဖြစ်နိုင်ချေ ရှိတဲ့ အပြောင်းအရွှေ့တွေ အတွက် ဆွေးနွေးဖို့ ယူနိုက်တက် ကွင်းလယ်လူ ကက်စ်မဲရိုးရဲ့ အေးဂျင့်နဲ့ တွေ့ဆုံခဲ့တယ်လို့ သိရပါတယ်။
ပရီးမီးယားလိဂ် ချန်ပီယံ မန်ချက်စတာစီးတီး ကတော့ ကီဗင် ဒီဘရွန်းနား နေရာမှာ အစားထိုးဖို့ ပြင်ဆင်နေပါတယ်။ မန်စီးတီးဟာ ချဲလ်ဆီး ကွင်းလယ်လူ ကိုးလ် ပါးလ်မားကို ယူရို သန်း ၁၅၀ (ပေါင် ၁၂၅.၅ သန်း)နဲ့ ခေါ်ယူဖို့ အဆင်သင့်ဖြစ်နေပြီလို့ သိရပါတယ်။
ဂျူဗင်တပ်စ် အသင်း ကတော့ အဲဗာတန် တိုက်စစ်မှူး ဒေါမနစ် ကဲလ်ဗတ် လီဝင်းကို စာချုပ် သက်တမ်း ကုန်ဆုံးဖို့ နီးကပ်လာချိန်မှာ ခေါ်ယူဖို့ ကြိုးပမ်းသွားဖွယ် ရှိနေတယ်လို့ သိရပါတယ်။
နယူးကာဆယ် အသင်း ကတော့ ခရစ္စတယ်ပဲလေ့စ်က မာ့ခ် ဂူဟီကို လွဲချော်ခဲ့ပြီးနောက် နော့တင်ဟမ်ဖောရက်စ် ဗဟိုနောက်ခံလူ နီကိုလာ မီလင် ကိုဗစ်ကို ပြောင်းလဲ စိတ်ဝင်စားနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
