လာလီဂါ ကလပ် ရီးရဲလ်မက်ဒရစ် တိုက်စစ်မှူး ကီလီယန် အမ်ဘာပေး ကတော့ သူ့ရဲ့ Idol ဖြစ်တဲ့ ခရစ္စတီယာနို ရော်နယ်ဒိုနဲ့ အတူတူ တွဲဖက် ကစားခွင့်ရချင်ကြောင်း ပြောဆိုလာခဲ့ပါတယ်။ ဒါပေမယ့်လည်း သူ့အနေနဲ့ အဲဒီ အခွင့်အရေးကို ရရှိဖို့ အလွန်ပဲ ခက်ခဲသွားပြီ ဖြစ်ကြောင်းလည်း ပြောကြားသွားခဲ့ပါသေးတယ်။
အမ်ဘာပေးက “ကျွန်တော်ဟာ ကြီးကျယ် ခမ်းနားတဲ့ ကစားသမားတွေနဲ့ တွဲဖက် ကစားခွင့်ရခဲ့ပါတယ်။ ကျွန်တော့် အနေနဲ့ ကစားသမားဘဝ တစ်လျှောက် မက်ဆီ၊ နေမာ၊ ပေါ့ဘာ၊ ဂရစ်ဇ်မန်း၊ ဘန်ဇီမာ တိုလို့ ကြီးကျယ် ခမ်းနားတဲ့ ကစားသမားတွေနဲ့ အတူ တွဲဖက် ကစားခွင့်ရခဲ့တာပါ။ ရော်နယ်ဒို နဲ့သာ တွဲဖက် ကစားခွင့် ရမယ် ဆိုရင်တော့ အရမ်းကို ပျော်စရာ ကောင်းမှာပါ။ ဒါပေမယ့် အဲဒီ အခွင့်အရေးကို ရဖို့က အရမ်းပဲ ခက်ခဲသွားခဲ့ပါပြီ။ ဒါပေမယ့် ကျွန်တော့် အနေနဲ့ အားကစားလောကရဲ့ ဂန္ထဝင်ကြီး (ရော်နယ်ဒို)နဲ့ ပြိုင်ဘက် အဖြစ် ယှဉ်ပြိုင်ခွင့်ရခဲ့တာ ကတော့ အရမ်း ကံကောင်းပါတယ်။” လို့ beIN Sports ကို ဖြေကြားခဲ့ပါတယ်။
အမ်ဘာပေးဟာ ရော်နယ်ဒိုနဲ့ တွဲဖက် ကစားခွင့် မရသေးပေမယ့်လည်း ပြိုင်ဘက် အဖြစ် ကလပ် အသင်း အဆင့်မှာ အပြင် နိုင်ငံ့ လက်ရွေးစင် အသင်းနဲ့လည်း ယှဉ်ပြိုင်ကစားခဲ့ဖူးသူ ဖြစ်ပါတယ်။ အမ်ဘာပေးဟာ ရီးရဲလ်မက်ဒရစ် အတွက် ပြိုင်ပွဲစုံ ၂၃ ပွဲမှာ ၁၃ ဂိုး သွင်းထားပြီး ၄၃၈ ပွဲမှာ ၄၅၀ ဂိုး သွင်း သွင်းယူထားတဲ့ ရော်နယ်ဒိုရဲ့ စံချိန်ကို လိုက်မီဖို့ လိုအပ်နေပါသေးတယ်။
အမ်ဘာပေးဟာ လက်ရှိမှာ ရော်နယ်ဒို လိုပဲ လာလီဂါ ကလပ် ရီးရဲလ်မက်ဒရစ်မှာ ပြောင်းရွှေ့ ကစားနေသူလည်း ဖြစ်ပါတယ်။ ပြင်သစ် ကြယ်ပွင့်ဟာ ပြီးခဲ့တဲ့ နွေရာသီ အပြောင်းအရွှေ့မှာ လာလီဂါ ကလပ် ရီးရဲလ်မက်ဒရစ်ကို အလွတ်ပြောင်းရွှေ့ကြေးနဲ့ ပြောင်းရွှေ့ခဲ့သူလည်း ဖြစ်ပါတယ်။ သူ့အတွက် ပြုလုပ်ခဲ့တဲ့ ဘာနေဗျူးက မိတ်ဆက်ပွဲ မှာလည်း အမ်ဘာပေးဟာ ၂၀၀၉ ခုနှစ်က ရော်နယ်ဒို မိတ်ဆက်ခဲ့စဉ်က အတိုင်း ‘Uno,dos,tres Hala Madrid’ ဆိုပြီး အော်ကာ ရီးရဲလ်မက်ဒရစ် ပရိသတ်တွေကို နှုတ်ဆက်ခဲ့သူ ဖြစ်ပါတယ်။
လက်ရှိမှာ အသက် ၂၆ နှစ် အရွယ် ရှိပြီ ဖြစ်တဲ့ ပြင်သစ် လက်ရွေးစင် အသင်းခေါင်းဆောင် အမ်ဘာပေး အနေနဲ့ ရီးရဲလ်မက်ဒရစ် ဂန္ထဝင် ဖြစ်တဲ့ ရော်နယ်ဒိုကို အတုယူကာ ကြိုးစားနေခဲ့တာ ဖြစ်ပါတယ်။ သူငယ်စဉ်က အိပ်ခန်းထဲမှာ ရော်နယ်လ်ဒိုရဲ့ ဓာတ်ပုံတွေကို ခန်းလုံး အပြည့်ကပ်ကာ ရူးသွပ်ခဲ့သူလည်း ဖြစ်ပါတယ်။
အမ်ဘာပေးဟာ ပြင်သစ် ကလပ် ပီအက်စ်ဂျီ မှာတော့ နေမာ ဂျူနီယာ၊ လီယွန်နယ် မက်ဆီ တို့နဲ့ တွဲဖက်ကစားခဲ့ဖူးပေမယ့် ရော်နယ်ဒို နဲ့တော့ တစ်ကြိမ် တစ်ခါမှာ တွဲဖက် ကစားရသေးပါဘူး။ အသက် ၃၉ နှစ် အရွယ် ရှိပြီ ဖြစ်တဲ့ ခရစ္စတီယာနို ရော်နယ်ဒို ကတော့ လက်ရှိမှာ ဆော်ဒီပရိုလိဂ် ကလပ် အဲလ်နာဆာ အတွက် ကစားပေးနေတာကြောင့် အမ်ဘာပေးနဲ့ ရော်နယ်ဒိုတို့ တွေ့ဆုံဖို့ ကတော့ လုံးဝ မဖြစ်နိုင်သလောက် ရှိနေခဲ့ပါပြီ။ ဒါကြောင့် အမ်ဘာပေးက ကစားသမားဘဝမှာ ရော်နယ်ဒိုနဲ့ တွဲဖက် ကစားခွင့်ရမယ် ဆိုရင် အလွန်ကောင်းမှာ ဖြစ်ကြောင်း ဝန်ခံပြောကြားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
