လာလီဂါကလပ်ဘာစီလိုနာတောင်ပံတိုက်စစ်ကြယ်ပွင့်လမိုင်းယာမယ်ကတော့အရွယ်နဲ့မလိုက်အောင်ခြေစွမ်းပြနေပြီးအနာဂတ်ရဲ့ဘယ်လွန်ဒေါဆုရှင်အဖြစ်သတ်မှတ်ခံထားရသူဖြစ်ပါတယ်။ဒါကြောင့်ဘာစီလိုနာရဲ့စီနီယာတိုက်စစ်မှူးကြီးရောဘတ်လီဝမ်ဒေါစကီးကယာမယ်အနေနဲ့ဘယ်လွန်ဒေါဆုကိုဆွတ်ခူးနိုင်မှာဖြစ်ပေမယ့်လည်းအဲ့ဒီလိုဖြစ်လာဖို့အတွက်တော့ထိပ်တန်းအဆင့်မှာအမြဲတမ်းရပ်တည်နေနိုင်ဖိုသန်မာနေရမယ်လို့တိုက်တွန်းစကားပြောကြားလိုက်ပါတယ်။
တောက်ပတဲ့အနာဂတ်တွေပိုင်ဆိုင်ထားတဲ့ယာမယ်နဲ့ပတ်သက်လို့လီဝမ်ဒေါစကီးကအခုလိုပဲပြောကြားလာခဲ့တာဖြစ်ပါတယ်။ “သူကဘယ်လွန်ဒေါဆုရှင်သေချာပေါက်ဖြစ်လာနိုင်ပါတယ်။ဒါပေမယ့်ကျွန်တော်ကကစားသမားတွေကိုကောင်းကောင်းပြောရတာကြိုက်တဲ့လူမျိုးတော့မဟုတ်ပါဘူး။ဘာလို့လဲဆိုတော့ကိုယ်တိုင်ကကစားသမားတစ်ဦးအကြောင်းကိုအကောင်းပြောပြီးသွားရင်အဲဒီနောက်ပိုင်းကစားသမားကခြေစွမ်းကျသွားတတ်လို့ပါ။တစ်ခါတစ်လေတော့နည်းနည်းအပြစ်ရှာပြီးပြောဆိုရတာပိုကောင်းပါတယ်။ဒါပေမယ့်လမင်းအကြောင်းပြောဖို့ကတော့ခက်ပါတယ်။ဒါပေမယ့်လည်းသူကကမ္ဘာ့အကောင်းဆုံးကစားသမားတွေလိုဖြစ်လာပြီးတော့ကောင်းမွန်တဲ့အနာဂတ်ကိုပိုင်ဆိုင်ထားမယ်လို့ကျွန်တော်ယုံကြည်ပါတယ်။”လို့ပြောကြားသွားခဲ့ပါတယ်။
ဆက်လက်ပြီးလီဝမ်ဒေါစကီးက“လမင်းကအသက်၁၇နှစ်သာရှိနေသေးပေမယ့်၂၅နှစ်အရွယ်ကစားသမားတစ်ဦးလိုကစားနေပါတယ်။အခုသူရဲ့ကွင်းအတွင်းအတွေ့အကြုံတွေအရဆိုရင်သူကလူငယ်ကစားသမားလေးတစ်ဦးလိုမျိုးမဟုတ်တော့ပါဘူး။သူရဲ့အရည်အသွေးတွေနဲ့ပတ်သက်ပြီးတော့လည်းလူတိုင်းကသိနေကြပြီမို့လို့ဒီအကြောင်းကိုကျွန်တော်မပြောတော့ပါဘူး။ဒါပေမယ့်သူဘယ်လိုကြီးပြင်းလာမလဲ။သူ့ရဲ့အနာဂတ်အကြောင်းပြောတဲ့အခါလာမယ့်၂နှစ်၃နှစ်မဟုတ်ဘဲ၁၀နှစ်၁၅နှစ်လောက်အထိပြောမယ်ဆိုရင်တော့သူ့အနီးအနားမှာရှိနေတဲ့လူတွေကသူ့အတွက်အရမ်းကိုအရေးပါပါတယ်။”လို့ပြောကြားသွားခဲ့ပါတယ်။
နောက်ဆုံးမှာတော့လီဝမ်ဒေါစကီးက “ယာမယ်ကိုအသင်းဖော်တွေကအကူအညီပေးနိုင်မယ်လို့လည်းကျွန်တော်မျှော်လင့်ပါတယ်။ဘောလုံးလောကဆိုတာကခက်ခဲကြမ်းတမ်းတတ်တာကြောင့်ဒီအတွက်လည်းပြင်ဆင်ထားရပါမယ်။အခုသူလျှောက်နေတဲ့လမ်းကသူ့အတွက်အကောင်းဆုံးပဲဆိုတာတော့သေချာပါတယ်။လာမယ့်၃/၄နှစ်ဆိုရင်တော့အရာအားလုံးကိုထိန်းချုပ်နိုင်ဖို့လိုအပ်လာပါလိမ့်မယ်။ဘာလို့လဲဆိုတော့အရည်အသွေးကောင်းတွေဆိုတာကကစားသမားဘဝအစမှာအကူအညီပေးနိုင်တယ်ဆိုပေမယ့်စိတ်ပိုင်းဆိုင်ရာကတော့ထိပ်တန်းအဆင့်မှာရှိနေစေဖို့ကူညီပေးနိုင်တာကြောင့်ပါ။”လို့ပြောဆိုသွားခဲ့ပါတယ်။
ယာမယ်ကတော့လက်ရှိမှာအသက်၁၇နှစ်အရွယ်သာရှိနေသေးပြီးစပိန်လက်ရွေးစင်အသင်းအတွက်ရော၊လာလီဂါကလပ်အတွက်ပါခြေစွမ်းပြကစားနေသူဖြစ်ပါတယ်။ယာမယ်အနေနဲ့မကြာသေးခင်နှစ်ပိုင်းကမှဘာစီလိုနာစီနီယာအသင်းကြီးအတွက်စတင်ပွဲထွက်ကစားခွင့်ရရှိခဲ့တာဖြစ်ပေမယ့်လက်ရှိမှာတော့ကတ်တာလန်ကလပ်ရဲ့မရှိမဖြစ်ကစားသမားဖြစ်နေသူပါ။ဒါ့အပြင်ယာမယ်ကစပိန်လက်ရွေးစင်အသင်းယူရို၂၀၂၄ချန်ပီယံဖြစ်ခဲ့ရာမှာလည်းအဓိကနေရာကနေပါဝင်ခဲ့သူဖြစ်ပါတယ်။ဒါ့အပြင်ယာမယ်ကဘာစီလိုနာနဲ့အတူပူပူနွေးနွေးစပိန်စူပါဖလားချန်ပီယံဖြစ်ထားပြီးလာလီဂါခါးသီးပြိုင်ဘက်ရီးရဲလ်မက်ဒရစ်ကို၂-၅ရလဒ်နဲ့အနိုင်ရထားလို့ချိုမြိန်တဲ့အခိုက်အတန့်တွေပိုင်ဆိုင်ထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
