ဒန်နီ အဲဗက်စ် မရှိတော့တဲ့ နောက်ပိုင်း ဘာစီလိုနာမှာ တိုက်စစ် အားသန် ညာနောက်ခံလူတွေ ပျောက်ဆုံးနေခဲ့တာပါ။ ဒါပေမယ့် ဘာစီလိုနာ ပရိသတ်တွေ လိုချင်တဲ့ တိုက်စစ် လိုက်ပါနိုင်တဲ့ နောက်ခံလူ ဆိုတာကို ကန်ဆယ်လိုက မနေ့ညက လာလီဂါ ပွဲစဉ်မှာ ပြသသွားခဲ့ပါတယ်။
ဘာစီလိုနာဟာ ဆယ်တာဗီဂိုကို မိနစ် ၈၀ အထိ ၂-၀ နဲ့ ရှုံးနိမ့်နေခဲ့တဲ့ အတွက် အားလုံးက ရှုံးပြီလို့ တွေးထားခဲ့ပေမယ့်လည်း အံ့အားသင့်ဖွယ် ပြန်လာနိုင်ခဲ့ပြီး နောက်ဆုံး ၁၀ မိနစ်အတွင်းမှာ ၃ ဂိုး အထိ ပြန်လည် သွင်းယူခဲ့တာ ဖြစ်ပါတယ်။ ရာဖေးလ် ဘင်နီတက်ဇ်ရဲ့ Low Block ကစားကွက်ကို ထိုးဖောက်ဖို့ ဘာစီလိုနာ တော်တော်လေး တိုင်ပတ်ခဲ့ပြီး တခြားနေ့မှာ ဆိုရင်တော့ ဆယ်တာဗီဂိုက အနိုင် ၃ မှတ်နဲ့ အိမ်ပြန်ဖို့ ထိုက်တန်ခဲ့မှာ ဖြစ်ပါတယ်။ ဒါပေမယ့် ဇာဗီရဲ့ ကစားသမားတွေဟာ ပါးစပ်အဟောင်းသား ဖြစ်စေခဲ့တဲ့ လာလီဂါ နိုင်ပွဲကို ရယူနိုင်ခဲ့တာ ဖြစ်ပါတယ်။
ဘာစီလိုနာ အတွက် လီဝမ်ဒေါစကီးက ၂ ဂိုး၊ ယာအို ကန်ဆယ်လိုက တစ်ဂိုး သွင်းယူပေးခဲ့ကြတာ ဖြစ်ပါတယ်။ ပေါ်တူဂီ နောက်ခံလူဟာ ပထမပိုင်း ပွဲစဉ် အနည်းငယ် အတွင်းမှာ ခြေမပေါ်ခဲ့ပေမယ့်လည်း စနေနေ့ည မှာတော့ ဘာဆာ အတွက် မျှော်လင့်ချက် ရောင်ခြည်သန်းစေခဲ့တဲ့ လီဝမ်ဒေါစကီးရဲ့ သွင်းဂိုးကို ဖန်တီးပေးခဲ့တာ ဖြစ်ပါတယ်။
ပေါ်တူဂီ ကြယ်ပွင့်ဟာ ပင်နယ်တီ ဧရိယာထဲက နေရာလွတ်ထဲကို သက်တောင့်သက်သာ ဝင်နိုင်ခဲ့ပြီး အလယ်မှာ ရှိနေတဲ့ လီဝမ်ဒေါစကီးကို ခင်းပေးခဲ့တာ ဖြစ်ပါတယ်။ ဒီအနိုင်ဂိုး အတွက် ပင်နယ်တီ ဧရိယာထဲကို ချိန်သားကိုက် ပြေးဝင်မှုက ဒန်နီ အဲဗက်စ်ရဲ့ ပုံစံအတိုင်း ဖြစ်ခဲ့ပါတယ်။ ဂါဗီရဲ့ တိကျတဲ့ ဖြတ်တင် ပေးပို့မှုကို တစ်ချက်ထိ အဆုံးသတ်ခဲ့တဲ့ ကန်ဆယ်လိုဟာ ဘာဆာမှာ နှစ်ပေါင်းများစွာ ပျောက်ဆုံးနေခဲ့တဲ့ ကစားသမား ဆိုတာ စနေနေ့ည လာလီဂါ ပွဲစဉ်မှာ သိသာ ထင်ရှားခဲ့ပါတယ်။
ဘာကြောင့် မန်စီးတီးနဲ့ ဘေယန်မြူးနစ်က ဒီကစားသမားကို မလိုချင်ကြတာလဲ ဆိုတာ စဉ်းစားရခက်ပေမယ့် စနေနေ့ည ကတော့ ပေါ်တူဂီ နောက်ခံလူက ဇာဗီ အတွက် သိကြားမခဲ့တယ်လို့ပဲ ဆိုရမှာ ဖြစ်ပါတယ်။ အခုဆိုရင် ကန်ဆယ်လို ရောက်လာပြီးနောက် ဘာစီလိုနာက လာလီဂါ အပါအဝင် ပြိုင်ပွဲစုံ ၃ ပွဲ ဆက်တိုက် အနည်းဆုံး ၃ ဂိုးနဲ့ အထက် သွင်းနေပါပြီ။ နိုင်ပွဲ ဆက်နေသလို ပွဲတိုင်းမှာလည်း သူက ဖန်တီးမှုတွေ အပြင် ဂိုးတွေပါ သွင်းထားနိုင်ခဲ့ပါပြီ။
ဒါ့ကြောင့် တစ်ခါတစ်လေတော့ တွေးမိတယ်။ ငွေပေါလို့ မြင်မြင်ရာ လိုက်ဝယ်နေတဲ့ အသင်း ကျတော့ ကစားသမားသစ်တွေ အခြေကျဖို့ ရုန်းကန် လိုက်ရတာလို့၊ ဘဏ္ဍာရေး ကြပ်တည်းလို့ အရှိအရှောင် လိုက်ရှာပြီး ဂုံးဆင်းနေတဲ့ အသင်းကျတော့လည်း ဘယ်သူလာလာ တန်းပြီး အံဝင်လို့ပါလားလို့ပေါ့။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
