လာလီဂါ ကလပ် အက်တလက်တီကိုမက်ဒရစ် ကတော့ မန်ချက်စတာယူနိုက်တက်မှာ ရုန်းကန်နေရတဲ့ အလက်ဟန်ဒရို ဂါနာချိုကို ခေါ်ယူဖို့ စောင့်ကြည့်နေတယ်လို့ သိရပါတယ်။ ဂါနာချို ကတော့ လာလီဂါ ကလပ်ရဲ့ အကယ်ဒမီ ကနေ ထွက်တဲ့ ကစားသမားဟောင်း တစ်ဦးလည်း ဖြစ်ပြီး သူ့ရဲ့ အသင်းဟောင်းက လက်ရှိ အခြေအနေတွေကို စိတ်ဝင်တစား စောင့်ကြည့်နေကြောင်း စပိန် မီဒီယာတွေမှာ ဖော်ပြနေတာ ဖြစ်ပါတယ်။
လက်ရှိမှာ အသက် ၁၉ နှစ် အရွယ်သာ ရှိသေးတဲ့ အာဂျင်တီးနား လက်ရွေးစင် တောင်ပံ ကစားသမားလေး ဂါနာချိုက နည်းပြသစ် ရူဘင် အမော်ရင် လက်အောက်မှာ ရုန်းကန်နေရပါတယ်။ ယူနိုက်တက်က ရက်ရှ်ဖို့ဒ်ကို အသင်း ကနေ ရောင်းထုတ်ဖို့ စီစဉ်ထားပေမယ့် ဂါနာချို ကိုတော့ ဆက်ထိန်းထားဖို့ ရှိနေတယ်လို့ သိရပါတယ်။ စပိန် နိုင်ငံ မက်ဒရစ် မြို့မှာ မွေးဖွားခဲ့တဲ့ ဂါနာချိုက ၂၀၁၅ ကနေ ၂၀၂၀ ခုနှစ် အထိ အက်တလက်တီကိုမက်ဒရစ်ရဲ့ လူငယ်အကယ်ဒမီမှာ ကစားခဲ့ပါတယ်။ အဲဒီနောက် ၂ဝ၂ဝ ခုနှစ် မှာတော့ ယူနိုက်တက် လူငယ် အသင်းကို ပြောင်းရွှေ့လာခဲ့ပြီးတော့ လက်ရှိမှာ အာဂျင်တီးနားသားက ယူနိုက်တက်ရဲ့ စီနီယာ အသင်း မှာပါ ပုံမှန် ပွဲထွက် ကစားခွင့် ရရှိနေခဲ့ပါတယ်။ ဒါပေမယ့်လည်း ဂါနာချိုက အမော်ရင် ရောက်ရှိလာချိန်က စလို့ နောက်ပိုင်း ပွဲစဉ်တွေမှာ ခြေစွမ်းပြဖို့ ရုန်းကန်နေရသလို အခွင့်အရေးတွေ ဖြုန်းတီးမှုလည်း များပြားနေခဲ့တာပါ။ ဒီလို အခြေအနေတွေကြောင့် နည်းပြ အမော်ရင်က ဂါနာချိုကို မန်ချက်စတာဒါဘီ မှာပါ မားကပ်စ် ရက်ရှ်ဖို့ဒ်နဲ့ အတူ လူစာရင်း ကနေ ချန်လှပ်ခဲ့ပါတယ်။
ဒီလို အဆင်မပြေ ဖြစ်နေတဲ့ ဂါနာချို ကိုတော့ ဥရောပ ထိပ်တန်း ကလပ် တော်တော်များများက စိတ်ဝင်တစား စောင့်ကြည့်နေခဲ့ကြပြီး ဒီအထဲမှာ လာလီဂါ အသင်းဟောင်း အက်တလက်တီကိုမက်ဒရစ်လည်း ပါဝင်လာတာ ဖြစ်ပါတယ်။ လာလီဂါ ထိပ်သီး အက်တလက်တီကိုမက်ဒရစ်ဟာ အခွင့်အရေး ရရင် ရသလို ဂါနာချိုကို အသင်းထံ ပြန်လည် ခေါ်ယူသွားဖို့ ဆန္ဒရှိနေတယ်လို့ သိရပါတယ်။ ဂါနာချို ဟာ ပြီးခဲ့တဲ့ ၂ဝ၂၃ ခုနှစ်မှာ အသင်းနဲ့ ၂၀၂၈ ခုနှစ် အထိ စာချုပ်သက်တမ်း တိုးမြှင့်ထားခဲ့သူ ဖြစ်ပါတယ်။ ဒါ့အပြင် ဂါနာချို အနေနဲ့ လက်တလော အသင်း အတွက် ပွဲထွက်ခွင့်မရနေသည့် တိုင်အောင် ယူနိုက်တက် အတွက် အဓိက ကစားသမား ဖြစ်နေဆဲ ဖြစ်တာကြောင့် အက်တလက်တီကိုတို့ အလွယ်တကူ ခေါ်ယူသွားနိုင်ဖို့တော့ မရှိပါဘူး။ တချို့သော သတင်းတွေ မှာတော့ ယူနိုက်တက်ဟာ ဂါနာချိုကို အလွယ်တကူ လက်လွှတ်သွားဖို့ မရှိပေမယ့်လည်း ခြေစွမ်းပိုင်း ဆက်လက် ကျဆင်းနေဦးမယ် ဆိုရင်တော့ ရောင်းချသွားဖို့ ရှိနေကြောင်း ဖော်ပြနေကြပါတယ်။
မန်ချက်စတာယူနိုက်တက် နည်းပြသစ် ရူဘင် အမော်ရင် ကတော့ သူ့ရဲ့ လက်ထက်မှာ အသင်း အတွက် အကျိုးမပြုနိုင်တဲ့ ကစားသမားတွေကို ခပ်မြန်မြန် ရှင်းထုတ်သွားဖို့ လိုလားနေတယ်လို့ သိရပါတယ်။ ဒါကြောင့် ယူနိုက်တက်က လာမယ့် နွေရာသီ ဈေးကွက်မှာ အသင်း အတွက် အဆင်မပြေတဲ့ ကစားသမားတွေကို နောက်ဆုံးထား ရှင်းလင်းသွားပြီး တဖြည်းဖြည်းချင်း သွေးသစ် ပြန်လောင်းဖွယ် ရှိနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
