လာလီဂါ ကလပ် ရီးရဲလ်မက်ဒရစ် နည်းပြ ကာလို အန်ဆယ်လော့တီက သူ့ရဲ့ နည်းပြ ဘဝ သက်တမ်း တလျှောက် အဆိုးရွားဆုံး အမှားနဲ့ ပတ်သတ်လို့ ဖွင့်ဟ ပြောကြားလာခဲ့ပါတယ်။ အန်ဆယ်လော့ဆီက ရီးရဲလ်မက်ဒရစ်ကို ပထမဆုံးအကြိမ် ကိုင်တွယ်ခဲ့စဉ်က လစာငွေ တိုးတောင်းခဲ့ခြင်း ဖြစ်ကြောင်း ဖွင့်ဟ ပြောကြားလာခဲ့တာ ဖြစ်ပါတယ်။
လက်ရှိမှာ အသက် ၆၅ နှစ် အရွယ် ရှိပြီ ဖြစ်တဲ့ အီတလီ လူမျိုး ဝါရင့် နည်းပြ အန်ဆယ်လော့တီဟာ ၁၉၉၅ ခုနှစ်မှာ အီတလီ ကလပ် ရက်ဂျီးနားကို ကိုင်တွယ်ပြီး နည်းပြ လောကကို စတင် ဝင်ရောက်ခဲ့သူ ဖြစ်ပါတယ်။ အန်ဆယ်လော့တီဟာ သူ့ရဲ့ နည်းပြ သက်တမ်း နှစ်ပေါင်း ၂၉ နှစ် ကျော် ကာလ အတွင်း ဆုဖလားပေါင်း ၃၀ အထိ ရရှိခဲ့ပြီးတော့ အဲဒီအထဲကမှ ၁၄ လုံး ကတော့ ရီးရဲလ်မက်ဒရစ်နဲ့ အတူ ရရှိခဲ့တာ ဖြစ်ပါတယ်။ အန်ဆယ်လော့တီဟာ လာလီဂါ ကလပ် ရီးရဲလ်မက်ဒရစ်ကို ပထမဦးဆုံး အကြိမ် အဖြစ် ၂၀၁၃ ခုနှစ် ကနေ ၂၀၁၅ ခုနှစ် အထိ ကိုင်တွယ်ခဲ့ပါတယ်။
အီတလီလူမျိုး နည်းပြကြီးဟာ ရီးရဲလ်မက်ဒရစ်ကို စတင်ကိုင်တွယ်ခဲ့တဲ့ ပထမဦးဆုံးရာသီ ဖြစ်တဲ့ ၂၀၁၃/၁၄ ရာသီမှာတင် အသင်း အတွက် ၁၀ ကြိမ်မြောက် ချန်ပီယံလိဂ် ဖလားကို ရယူပေးနိုင်ခဲ့သည်။ ဒါပမယ့်လည်း နောက်ရာသီမှာ ရလဒ် မကောင်းတာကြောင့် ရာထူး ကနေ ထုတ်ပယ်ခံခဲ့ရပါတယ်။ လက်ရှိမှာတော့ အန်ဆယ်လော့တီက သူ့အနေနဲ့ အဲဒီ အချိန်တုန်းက ရီးရဲလ်မက်ဒရစ် နည်းပြ ရာထူး ကနေ ထုတ်ပယ်ခံခဲ့ရခြင်းနဲ့ ပတ်သတ်လို့ ပြန်လည် ပြောကြားလာခဲ့တာလည်း ဖြစ်ပါတယ်။
အန်ဆယ်လော့တီက “နှစ်ပေါင်း ၃၀ အတွင်း အမြဲတမ်း မှန်ကန်တဲ့ ဆုံးဖြတ်ချက်တွေ ချဖို့ မဖြစ်နိုင်ပါဘူး။ ရီးရဲလ်မက်ဒရစ်ကို ပထမဦးဆုံး အကြိမ် ကိုင်တွယ်ခဲ့စဉ်တုန်းက ကျွန်တော် အမှား လုပ်ခဲ့မိပါတယ်။ အသင်းနဲ့ စာချုပ်သစ်ချုပ်ဖို့ နီးစပ်နေချိန်မှာ လစာတိုးတောင်းမိခဲ့လို့ ပျက်ပြယ်ခဲ့ရတာပါ။ အဲဒီက ကျွန်တော့်ရဲ့ နည်းပြ ဘဝမှာ အဆိုးရွားဆုံး အမှားလည်း ဖြစ်ပါတယ်” လို့ ပြောကြားသွားခဲ့ပါတယ်။
လက်ရှိ ကမ္ဘာ့အကောင်းဆုံး နည်းပြ တစ်ဦး အဖြစ် သတ်မှတ်ခံထားရတဲ့ အန်ဆယ်လော့တီဟာ အသက် အရွယ်အားဖြင့် ၆၄ နှစ်ထဲ ရောက်လာပြီ ဖြစ်ပေမယ့် ရီးရဲလ်မက်ဒရစ် နဲ့တော့ ၂၀၂၆ ခုနှစ် အထိ စာချုပ်သက်တမ်း ကျန်ရှိနေပါသေးတယ်။ သူ့ကိုတော့ ဥရောပ ထိပ်သီး ကလပ် အများအပြားက နည်းပြ ရာထူး ခန့်အပ်ဖို့ အမြဲတမ်းလိုလို စောင့်ကြည့်နေကြတာ ဖြစ်ပါတယ်။ အန်ဆယ်လော့တီဟာ နည်းပြဘဝ တစ်လျှောက်မှာ စီးရီးအေ ကလပ် ဂျုဗင်တပ်စ်၊ အေစီမီလန်၊ နာပိုလီ ပရီးမီးယားလိဂ် ကလပ် ချယ်လ်ဆီး၊ အဲဗာတန်၊ လီဂူးဝမ်း ကလပ် ပီအက်စ်ဂျီ၊ ဘွန်ဒက်စ်လီဂါ ကလပ် ဘေယန်မြူးနစ် တို့ကို ကိုင်တွယ်ခဲ့ဖူးသူ ဖြစ်ပါတယ်။ လာလီဂါ ကလပ် ရီးရဲလ်မက်ဒရစ် ကိုတော့ နှစ်ကြိမ်တိုင်တိုင် ကိုင်တွယ်ခဲ့သူပါ။ ဒီလို လိဂ် ပေါင်းစုံက ကလပ် အသင်း ပေါင်းစုံကို ကိုင်တွယ်ခဲ့ဖူးတဲ့ အန်ဆယ်လော့တီဟာ ဆုဖလား အောင်မြင်မှု တွေ များစွာလည်း ရယူနိုင်ခဲ့သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
