ခရစ္စတီယာနို ရော်နယ်ဒိုနဲ့ ချန်ပီယံလိဂ် ဆိုတာ နေနဲ့လ၊ ရွှေနဲ့မြ ဖြစ်ပြီး ထမင်းနဲ့ ဟင်းလိုပဲ အတွဲအစပ်မိတဲ့ အရာ တစ်ခု ဖြစ်ပြီး ပေါ်တူဂီ ကြယ်ပွင့်ဟာ စံချိန်မှတ်တမ်းကောင်း များစွာ ရေးထိုးနိုင်ခဲ့သူ ဖြစ်ပါတယ်။ ဒါ့အပြင် ယူနိုက်တက်၊ ရီးရဲလ်မက်ဒရစ် တို့နဲ့ အတူ ချန်ပီယံလိဂ် ဖလား ၅ ကြိမ် အထိလည်း ကိုင်မြှောက်ထားနိုင်တဲ့ အတွက် မစ္စတာ ချန်ပီယံလိဂ် လို့တောင် နာမည်တွင်သူပါ။
ဒါပေမယ့်လည်း ပြီးခဲ့တဲ့ ဇန်နဝါရီလမှာ ခရစ္စတီယာနို ရော်နယ်ဒိုက ဥရောပကို စွန့်ခွာပြီး ဆော်ဒီ အာရေဗျကို ပြောင်းရွှေ့သွားခဲ့တာကြောင့် ချန်ပီယံလိဂ် ပြိုင်ပွဲမှာ ပေါ်တူဂီ ဂန္တဝင်ကို ထပ်ပြီး မမြင်တွေ့ရတော့ဘူးလို့ ပရိသတ်တွေ မှတ်ယူခဲ့ကြပါတယ်။ ဒါပေမယ့်လည်း ခရစ္စတီယာနို ရော်နယ်ဒိုနဲ့ ချန်ပီယံလိဂ် ပြိုင်ပွဲ တို့ရဲ့ ရေစက်ဟာ မကုန်ဆုံးသေးပုံ ပေါ်ပြီး ဆော်ဒီကလပ် အယ်လ်နာဆာဟာ ၂၀၂၄-၂၀၂၅ ချန်ပီယံလိဂ် ပြိုင်ပွဲမှာ ပါဝင်ကစားဖို့ ဖိတ်ကြားခြင်း ခံရတော့မယ်လို့ သတင်းတွေ ထွက်ပေါ်လို့လာပါပြီ။
ချန်ပီယံလိဂ်ဟာ လွန်ခဲ့တဲ့ ဆယ်စုနှစ် ၃ ခုမှာ စတင် ကျင်းပခဲ့တဲ့ အချိန် ကတည်းက ယူအီးအက်ဖ်အေ လက်အောက်မှာ ရှိတဲ့ ကလပ်တွေ ယှဉ်ပြိုင်ကြတဲ့ ပြိုင်ပွဲပါ။ ဒါပေမယ့် ဥရောပမှာ လူသိများ ကျော်ကြားနေတဲ့ အယ်လ်နာဆာကို လာမယ့်နှစ် ပြိုင်ပွဲမှာ ပါဝင်ယှဉ်ပြိုင်ဖို့ ဖိတ်ခေါ်သွားဖို့ စီစဉ်နေတယ်လို့ သိရပါတယ်။ ဒါဟာ ရှားရှားပါးပါး အခြေအနေ တစ်ခု ဖြစ်ပြီး ထူးခြားမှုတွေလည်း ပြည့်၀နေပါတယ်။
ဒါဟာ ချန်ပီယံလိဂ် ပြိုင်ပွဲရဲ့ တစ်သက်တာ ထိပ်တန်း ဂိုးသွင်းရှင် ဖြစ်ခဲ့တဲ့ ခရစ္စတီယာနို ရော်နယ်ဒိုရဲ့ ပုံရိပ်ကြောင့်ပါပဲ။ ပေါ်တူဂီ တိုက်စစ်မှူးဟာ ဥရောပ ချန်ပီယံလိဂ် ပြိုင်ပွဲမှာ စုစုပေါင်း သွင်းဂိုး ၁၄၀ သွင်းယူထားနိုင်ခဲ့ပြီး လက်ရှိအချိန်ထိ ဂိုးသွင်း အများဆုံး ဖြစ်နေတာပါ။ ပြီးတော့ မြောက်မြားလှတဲ့ စံချိန် မှတ်တမ်းတွေကို ပိုင်ဆိုင်ထားခဲ့ပြီး ချန်ပီယံလိဂ်ရဲ့ ဘုရင်ကြီးလို့ သတ်မှတ်ခံထားရသူ ဖြစ်ပါတယ်။
လှပတဲ့ ဘောလုံးပြိုင်ပွဲကို ကျက်သရေ ထွန်းလင်းစေခဲ့တဲ့ အကောင်းဆုံး ကစားသမားတွေထဲက တစ်ဦး ဖြစ်တဲ့ အသက် ၃၈ နှစ် အရွယ် တိုက်စစ်မှူးဟာ ဝိုင်လိုပဲ သက်တမ်းရင့်လေ ကောင်းလေ ဖြစ်နေပါတယ်။ သူဟာ ယခုရာသီ ကိုလည်း အကောင်းဆုံး ပုံစံနဲ့ စတင်ထားနိုင်ခဲ့တာ ဖြစ်ပါတယ်။
ပေါ်တူဂီ လက်ရွေးစင် အသင်းခေါင်းဆောင်ဟာ ယခုရာသီ ပြိုင်ပွဲစုံမှာ သွင်းဂိုး ၁၆ ဂိုးနဲ့ ဂိုးဖန်တီးမှု ၉ ကြိမ် အထိ ပြုလုပ်ပေးထားပါတယ်။ ယူအီးအက်ဖ်အေဟာ လက်ရှိ မှာတော့ ဆော်ဒီ အာရေဗျ ကလပ်နဲ့ ရော်နယ်ဒို တို့ရဲ့ ထင်ပေါ် ကျော်ကြားမှုကြောင့် လာမယ့် ရာသီ ချန်ပီယံလိဂ် ပြိုင်ပွဲထဲ ဖိတ်ခေါ်ချင်နေတယ်လို့ သိရပါတယ်။
Alharbi က “ဥရောပ ဘောလုံးသမဂ္ဂဟာ ၂၀၂၄ ခုနှစ် ချန်ပီယံလိဂ် ပြိုင်ပွဲမှာ လက်ရှိ ဘောလုံးလောကရဲ့ အကျော်ကြားဆုံး အသင်း ၃ သင်းထဲက တစ်သင်း ဖြစ်နေတဲ့ အယ်လ်နာဆာကို ဖိတ်ခေါ်ပြီး ပြိုင်ပွဲကို တိုးချဲ့သွားချင်နေပါတယ်။ ဘာလို့လဲ ဆိုတော့ အယ်လ်နာဆာက ဥရောပတိုက်မှာ အရမ်းကို ကြီးမားတဲ့ လူသိများ ကျော်ကြားမှု ရှိနေတာကြောင့်ပါ” လို့ ဖော်ပြခဲ့ပါတယ်။ဒီအကြောင်းအရာက ဖြစ်နိုင်ချေ နည်းပါးပေမယ့်လည်း လူတိုင်းရဲ့ သည်းခြေကြိုက် ငွေကြေးနဲ့ လမ်းခင်းလာမယ့် ဆော်ဒီကြောင့် မဖြစ်နိုင်ဘူးလို့တော့ တထစ်ချ ပြောလို့ မရပါဘူး။ အကောင်ထည်ဖော်နိုင်မလား၊ မဖော်နိုင်ဘူးလား ဆိုတာ ကိုသာ စောင့်ကြည့်ရမှာပါ။ တကယ်သာ ဖြစ်လာခဲ့ရင်တော့ ချန်ပီယံလိဂ်ဟာ တခေတ်ဆန်းပြီလို့တောင် ပြောလို့ ရပါလိမ့်မယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
