ဟယ်ရီကိန်း တစ်ယောက် ဘေယန်မြူးနစ်ကို ရောက်ရှိလာချိန်မှာ ပရီးမီးယားလိဂ် ကလိုပဲ ဂျာမနီမြေမှာ ခြေစွမ်းပြနိုင်မယ်လို့ အားလုံး မျှော်လင့်ခဲ့ကြပါတယ်။ တော့တင်ဟမ်ဟော့စပါးလို အသင်းမျိုးမှာတောင် တစ်ရာသီ ဂိုး (၃၀) အသာလေး ရခဲ့တဲ့ ဟယ်ရီကိန်း အတွက် ဘေယန်မြူးနစ်လို ကြယ်ပွင့် စုံလင်နေတဲ့ ဘွန်ဒက်စ်လီဂါ ကလပ်မှာ ပိုလို့တောင် အခက်အခဲ မရှိခဲ့ပါဘူး။
အခုဆိုရင် ဒီအင်္ဂလန် လက်ရွေးစင် အသင်းခေါင်းဆောင်ကြီးက အသင်းသစ်မှာ (၇) ပွဲကစား၊ (၈) ဂိုးသွင်း၊ ဂိုးဖန်တီးမှု (၄) ကြိမ်နဲ့ ခြေစွမ်းပြနေပါပြီ။ ဒီလိုမျိုး ကွင်းတွင်း ခြေစွမ်းပြနိုင်ဖို့ အသင်းဖော်တွေရဲ့ ပံ့ပိုးကူညီမှုတွေ အများကြီး လိုအပ်သလို ကွင်းပြင်ပ နေထိုင်မှု အဆင်ပြေဖို့ အတွက်လည်း ဟယ်ရီကိန်းနဲ့ သူ့ဇနီးကို နောက်ကွယ်က ကူညီပေးနေသူ ရှိပါတယ်။
![](http://blog.sbotop.com//wp-content/uploads/BlogGenerator_v2/default/standard%20logo.png)
![](https://iniberitakita.com//wp-content/uploads/BlogGenerator_v2/general/United-States.png)
![](https://iniberitakita.com//wp-content/uploads/BlogGenerator_v2/default/200x200-b.png)
![](https://iniberitakita.com//wp-content/uploads/BlogGenerator_v2/general/Germany.png)
သူကတော့ ဟယ်ရီကိန်းရဲ့ ကလပ် အသင်းဖော် ဆာနေးရဲ့ ဇနီး ဘရွတ်ခ်ပါပဲ။ အမေရိကန်နိုင်ငံသူ တစ်ယောက် ဖြစ်တဲ့ ဘရွတ်ခ်ဟာ ဟယ်ရီကိန်းတို့ စုံတွဲ ဂျာမန်မြေကို ရောက်လာကတည်းက အစစအရာရာ လိုလေးသေးမရှိ ကူညီပေးနေခဲ့သူပါ။
ဟယ်ရီကိန်းရဲ့ ကလေးတွေ မြူးနစ်မြို့မှာ ကျောင်းတက်ဖို့၊ ဟယ်ရီကိန်းရဲ့ ဇနီး မီးဖွားဖို့၊ အိမ်ရှာဖို့ အစစအရာရာကို စိတ်ရောကိုယ်ပါနှစ်ပြီး ကူညီပေးခဲ့တာပါ။ ဟယ်ရီကိန်းနဲ့ ဆာနေးတို့ နှစ်ယောက်စလုံး ကလည်း ဘွန်ဒက်စ်လီဂါ ကလပ်မှာ အတွဲညီတဲ့ ကစားသမားတွေ ဖြစ်နေပါပြီ။
ဆာနေးဟာ ဟယ်ရီကိန်း လိုပဲ အင်္ဂလန်ကလပ် (မန်စီးတီး) ကနေ ဘွန်ဒက်စ်လီဂါ ထိပ်သီး ဘေယန်မြူးနစ်ကို ရောက်လာတဲ့ ကစားသမားပါ။ ဒီတော့ ကစားသမား တစ်ယောက်၊ မိသားစု တစ်စု ဒီလိုမျိုး အပြောင်းအလဲ လုပ်လာရင် အထိုင်ကျဖို့ လိုအပ်တာတွေကို ဘရွတ်ခ်က ကောင်းကောင်း နားလည်ထားပါတယ်။
![ဆာနေးဟာ ဟယ်ရီကိန်း လိုပဲ အင်္ဂလန် ကလပ် (မန်စီးတီး) ကနေ ဘွန်ဒက်စ်လီဂါ ထိပ်သီး ဘေယန်မြူးနစ်ကို ရောက်လာတဲ့ ကစားသမားပါ။](https://iniberitakita.com/wp-content/uploads/2023/10/Bayern-Munich-Leroy-Sane-Harry-Kane.jpg)
အဲ့ဒါကြောင့်လည်း ဘရွတ်ခ်က အခုလိုမျိုး ဟယ်ရီကိန်းတို့ မိသားစုကို ကောင်းကောင်း ကူညီပေးနိုင်ခဲ့ပြီး ကစားသမား နှစ်ယောက်လုံး ကလည်း ကွင်းတွင်း၊ ကွင်းပြင်မှာ ဘော်ဒါကောင်းတွေ ဖြစ်လာကြပါတယ်။ ဘရွတ်ခ်က ခေသူ တစ်ယောက်တော့ မဟုတ်ပါဘူး။
ဘေယန်မြူးနစ် အသင်း အတွင်းကိုပါ လွှမ်းမိုးနိုင်စွမ်း ရှိသူလို့ ဂျာမန်သတင်းဌာနတွေက ဖော်ပြထားပြီး ပြီးခဲ့တဲ့ ရာသီတွေမှာ ဆာနေး အသင်းမှာ မပျော်မရွှင်ဖြစ်တုန်းကလည်း ဒီမိန်းကလေး မြူးနစ်မြို့မှာ မနေချင်လို့ ဆိုပြီး သတင်းထွက်ခဲ့ဖူးပါသေးတယ်။ ဒါပေမယ့် ဒီသတင်းတွေကို ဘရွတ်ခ်က ရဲရဲဝံ့ဝံ့ပဲ ရင်ဆိုင် ဖြေရှင်းပြီး ငြင်းဆန်ခဲ့ပါတယ်။
အဲ့ဒီနောက် နောက်ကွယ် ကနေ ဆာနေး တစ်ယောက် ခြေစွမ်းတက်လာအောင် ကူညီ ပံ့ပိုးပေးခဲ့ပြီး အခုဆိုရင် ဆာနေးက အသင်း အတွက် အရေးပါတဲ့ ကစားသမား တစ်ယောက် အဖြစ်ရှိနေဆဲပါ။ ရေခြား၊ မြေခြားကို ပြောင်းရွှေ့ရတာက ကစားသမား တစ်ယောက် အတွက်၊ သူ့ရဲ့ မိသားစု အတွက် သိပ်တော့ မလွယ်ကူပါဘူး။
ဒါပေမယ့် ဟယ်ရီကိန်းတို့ မိသားစု မြူးနစ်မြို့မှာ လွယ်လွယ်ကူကူ အထိုင်ကျသွားခဲ့တာက ဘရွတ်ခ်ရဲ့ စိတ်ရင်းနဲ့ ကူညီဖေးမမှုတွေကြောင့်ပဲ ဖြစ်ပြီး ဟယ်ရီကိန်းတို့ အတွက်တော့ ကျေးဇူးတင်စရာ ကောင်းတဲ့ အမျိုးသမီး တစ်ယောက်လည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.