နယ်သာလန် လူမျိုး နည်းပြ အဲရစ်ခ် တန်ဟက်ဂ် ကတော့ ဘွန်ဒက်စ်လီဂါ ကလပ် ဒေါ့မန်ရဲ့ နည်းပြ ရာထူး အတွက် ထိပ်ဆုံးက ရေပန်းစားနေသူ ဖြစ်ပါတယ်။ ဒါပေမယ့်လည်း သူက ကလပ် အသင်း တစ်ခုရဲ့ နည်းပြ ရာထူးကို ခပ်မြန်မြန် ရယူလိုခြင်း မရှိသေးပဲ လာမယ့် ရာသီမှသာ နည်းပြ အလုပ်ကို ပြန် လုပ်ကိုင်သွားဖို့ ဆန္ဒရှိနေကြောင်း The Athletic က ဖော်ပြခဲ့ပါတယ်။
အေဂျက်စ်နဲ့ မန်ချက်စတာယူနိုက်တက် နည်းပြဟောင်း အဲရစ်ခ် တန်ဟက်ဂ်က ဘေယန်မြူးနစ် အရန် အသင်းရဲ့ နည်းပြ အဖြစ် လုပ်ကိုင်ခဲ့ဖူးသူ ဖြစ်တာကြောင့် ဒေါ့မန်က လစ်လပ်နေတဲ့ နည်းပြ ရာထူး အတွက် တန်ဟက်ဂ်ကို ပစ်မှတ်ထားနေတာ ဖြစ်ပါတယ်။ ဂျာမန် ဘောလုံးလောကနဲ့ မစိမ်းလှတဲ့ တန်ဟက်ဂ်ကို ဒေါ့မန်က လက်တလော ချိတ်ဆက်မှုတွေ ရှိထားပြီး နယ်သာလန်သားရဲ့ ဆုံးဖြတ်ချက် ကလည်း အဓိကကျလာဖို့ ရှိပါတယ်။ တန်ဟက်ဂ်က လက်ရှိမှာ ကလပ် လက်မဲ့ ဖြစ်နေတာကြောင့် ဘွန်ဒက်စ်လီဂါ ကလပ်က အလွယ်တကူ သဘောတူညီမှု ရဖို့ မျှော်လင့်နေတာပါ။
ဒါပေမယ့်လည်း ဗြိတိန်ရဲ့ သတင်းစာ The Athletic ရဲ့ ဖော်ပြချက် အရတော့ တန်ဟက်ဂ်က ဘောလုံး ရာသီဝက်နဲ့ နည်းပြ အလုပ်ကို ပြန်လည် လုပ်ဆောင်သွားဖို့ထက် ရာသီသစ် ရောက်မှသာ အသင်းသစ် တစ်သင်းသင်းကို ကိုင်တွယ်သွားဖို့ စိတ်အားထက်သန်နေတယ်လို့ သိနေပါတယ်။ ဒေါ့မန် ကတော့ လက်ရှိရာသီအစပိုင်းမှာ အသင်းနဲ့ လမ်းခွဲခဲ့တဲ့ နည်းပြ အီဒင် တာဇစ်ရဲ့ နေရာမှာ ကွင်းလယ်လူဟောင်း နူရီ ဆာဟင်ကို အစားထိုး ပြန်လည် ခန့်အပ်ခဲ့တာ ဖြစ်ပါတယ်။ ဒါပေမယ့်လည်း ဆာဟင်က ဒေါ့မန်ကို အားရစရာ ရလဒ်မျိုး ရရှိအောင် မစွမ်းဆောင်ပေးနိုင်ခဲ့ပဲ ရလဒ်တွေ ဆိုးရွှားခဲ့တာကြောင့် ဘိုလော့ဂ်နာနဲ့ ချန်ပီယံလိဂ် ပွဲအပြီးမှာ ထုတ်ပယ်ခဲ့တာ ဖြစ်ပါတယ်။
လက်ရှိမှာ ဒေါ့မန်က ဘွန်ဒက်စ်လီဂါ အမှတ်ပေးဇယား အဆင့် ၁၀ နေရာ အထိ ရောက်နေရခဲ့သလို ချန်ပီယံလိဂ် မှာလည်း အဆင့် ၁၄ နေရာ အထိ ရောက်ရှိနေပါတယ်။ ဒါကြောင့် ဒေါ့မန်က ပလေးအော့ဖ် ကစားရဖို့ များနေပြီးတော့ နောက်တစ်ဆင့် တက်ရေး ခက်ခဲဖို့တော့ ရှိနေပါတယ်။ အဓိက ကတော့ နောက်ဆုံး ၄ ပွဲဆက်တိုက် ရှုံးပွဲ ကြုံခဲ့တာကြောင့် ဒေါ့မန် တာဝန်ရှိသူတွေက ဆာဟင်ကို ရာထူး ကနေ ထုတ်ပယ်ဖို့ ဆုံးဖြတ်ခဲ့တာ ဖြစ်တယ်။ လက်ရှိမှာ ဒေါ့မန်က ဆာဟင် နေရာမှာ နည်းပြ တစ်ဦးကို အစားထိုး ခန့်အပ်ဖို့ အတွက် နည်းပြ တော်တော်များများကို ချိန်ရွယ်ထားပြီးတော့ အာလုံးထဲ မှာတော့ တန်ဟက်ဂ်က ထိပ်ဆုံးမှာ ရှိနေတာ ဖြစ်ပါတယ်။ ဒေါ့မန်ရဲ့ ပစ်မှတ် နည်းပြ စာရင်း မှာတော့ ဘင်ဖီကာ၊ လေဗာကူဆင်နဲ့ ပီအက်စ်ဗွီ နည်းပြဟောင်း ရော်ဂျာ ရှမစ်နဲ့ ဘေယန်မြူးနစ်၊ ဖရန့်ဖတ်နဲ့ ဝုဖ်ဘတ် တို့ကို ကိုင်တွယ်ခဲ့ဖူးတဲ့ နီကို ကိုဗက်စ် တို့ ပါဝင်နေပါတယ်။ တန်ဟက်ဂ် ပြီးရင်တော့ ဒေါ့မန်တို့ စိတ်ဝင်အစားဆုံး ဖြစ်နေသူက စတုဂတ် နည်းပြ ဆဘက်ရှန် ဟိုးနက်စ် ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
