အခုတစ်ခါ မှာတော့ ဇွန်လ ၂၆ ရက်နေ့ ညနေပိုင်း အထိ ရရှိခဲ့တဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
အင်တာမီလန်ကို ပြောင်းရွှေ့တော့မယ့် မိုချန်ဂလာဘတ် တိုက်စစ်မှူး
ဘွန်ဒက်စ်လီဂါ ကလပ် မိုချန်ဂလာဘတ်ရဲ့ တိုက်စစ်မှူး မားကပ်စ် သူရမ်ဟာ အင်တာမီလန်ကို ပြောင်းရွှေ့ဖို့ သဘောတူညီမှု ရရှိခဲ့ပြီလို့ သိရပါတယ်။
သူရမ် အနေနဲ့ မိုချန်ဂလာဘတ်နဲ့ စာချုပ်သက်တမ်း ကုန်ဆုံးခဲ့တာကြောင့် လက်ရှိ နွေရာသီမှာ အလွတ်ပြောင်းရွှေ့ခွင့် ရှိနေပြီး အင်တာမီလန်နဲ့လည်း နှုတ်အားဖြင့် သဘောတူညီမှု ရရှိခဲ့ပြီး ဖြစ်ပါတယ်။
အင်တာမီလန်ဟာ သူရမ် အတွက် တစ်နှစ် လုပ်ခ ယူရို (၆.၅) သန်းဝန်းကျင် ပေးချေသွားမှာ ဖြစ်ပြီး စာချုပ် လက်မှတ်ထိုးကြေးပါ ပေးချေသွားမယ်လို့ သိရပါတယ်။ လက်ရှိ မှာတော့ အင်တာမီလန်က စာချုပ်ကိစ္စရပ်တွေ အတွက် ပြင်ဆင်နေပြီး နာရီပိုင်း အတွင်းမှာပဲ အပြီးသတ် လက်မှတ်ရေးထိုးမှာပါ။ အဆိုပါ ပြင်သစ် ကြယ်ပွင့်ကို ခေါ်ယူဖို့ အတွက် ပီအက်စ်ဂျီ၊ လိုက်ပ်ဇစ်၊ အေစီမီလန် တို့ကလည်း ကမ်းလှမ်းခဲ့ပေမယ့် ကစားသမား ကိုယ်တိုင်က အင်တာမီလန်ကို ရွေးချယ်သွားခဲ့တာပါ။
လာပေါ့တ် ထွက်ရင် လိုက်ပ်ဇစ် နောက်ခံလူကို ခေါ်ယူမယ့် မန်စီးတီး
မန်ချက်စတာစီးတီးဟာ အသင်းဟာ အေမီရစ် လာပေါ့တ်သာ ထွက်ခွာသွားခဲ့ပါက ဘွန်ဒက်စ်လီဂါ နောက်ခံလူ ဂျော့စ်ကို ဂဗာဒီယိုလ်ကို ခေါ်ယူသွားမယ်လို့ သိရပါတယ်။ အဆိုပါ လိုက်ပ်ဇစ် နောက်ခံလူဟာ ပြီးခဲ့တဲ့ (၂၀၂၂) ခုနှစ် ကမ္ဘာ့ဖလားမှာကတည်းက ခရိုအေးရှား လက်ရွေးစင် အသင်း အတွက် ခြေစွမ်းပြနိုင်ခဲ့တဲ့ နောက်ခံလူ တစ်ယောက် ဖြစ်ပါတယ်။
သူ့ကို ခေါ်ယူဖို့ ချဲလ်ဆီးက ပြီးခဲ့တဲ့ ဆောင်းရာသီ အပြောင်းအရွှေ့မှာ ကြိုးစားခဲ့ပေမယ့် အောင်မြင်ခဲ့ခြင်း မရှိပါဘူး။ လက်ရှိ နွေရာသီမှာတော့ ဂဗာဒီယိုလ်ကို ခေါ်ယူဖို့ အတွက် မန်စီးတီးက သတင်းတွေ ထွက်ပေါ်နေပြီး ချဥ်းကပ်မှုတွေ ပြုလုပ်နေတယ်လို့ သိရပါတယ်။
ဒါပေမယ့် နောက်ဆုံး ထွက်ပေါ်လာတဲ့ သတင်းတွေအရ မန်စီးတီးဟာ အသင်းရဲ့ အဓိက နောက်ခံလူ လာပေါ့တ် ထွက်ခွာသွားမှသာ ဂဗာဒီယိုလ် အတွက် ကြိုးစားသွားမှာ ဖြစ်ပါတယ်။ ဂဗာဒီယိုလ် ကလည်း လိုက်ပ်ဇစ်နဲ့ (၂၀၂၇) ခုနှစ် အထိ စာချုပ်သက်တမ်း ကျန်ရှိနေပါသေးတယ်။
လူမျိုးရေး ခွဲခြားမှုတွေကို ပြန်လည် တုံ့ပြန်လာခဲ့တဲ့ ဒေါ့မန် တိုက်စစ်မှူး
ဘွန်ဒက်စ်လီဂါ ကလပ် ဒေါ့မန်ရဲ့ တိုက်စစ် ကစားသမား ယူဆိုဖာ မူကိုကိုက သူနဲ့ ဂျက်ဆစ်နန်ကမ်တို့ နှစ်ယောက် အစ္စရေးနဲ့ ကစားခဲ့တဲ့ ယူ-၂၁ ယူရိုပွဲမှာ လူမျိုးရေး ခွဲခြားခံခဲ့ရတဲ့ အပေါ် ပြန်လည် တုံ့ပြန်လာခဲ့ပါတယ်။
အဆိုပါပွဲမှာ မူကိုကိုနဲ့ နန်ကမ်တို့ နှစ်ယောက်လုံး ပင်နယ်တီ ကိုယ်စီ လွဲချော်ခဲ့ပြီး ဂျာမနီ ကလည်း အစ္စရေးကို တစ်ဂိုးစီ သရေသာ ကစားနိုင်ခဲ့ပါတယ်။ အဲ့ဒီနောက်မှာတော့ မူကိုကိုတို့ နှစ်ယောက် အပေါ် လူမျိုးရေး ခွဲခြားမှုတွေ ရှိလာခဲ့တာ ဖြစ်ပြီး မူကိုကို ကတော့ ဒါတွေကို ပြန်လည် တုံ့ပြန်လာခဲ့ပါတယ်။
မူကိုကိုက ကျွန်တော်တို့ အနိုင်ရချိန်မှာ အားလုံးက ဂျာမနီ နိုင်ငံသားတွေ ဖြစ်ပြီး ရှုံးနိမ့်ချိန် မှာတော့ မျောက်တွေ ဖြစ်သွားကြောင်း၊ ဂျက်ဆစ်လည်း ဒါမျိုး ခံစားခဲ့ရကြောင်း၊ ဒါက ဘောလုံး လောကရဲ့ အစိတ်အပိုင်း တစ်ခု မဟုတ်ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
