ဘွန်ဒက်စ်လီဂါ – နောက်ဆုံးရ သတင်းများ (၂၅/၈/၂၀၂၂)

ဩဂုတ်လ ၂၅ ရက်နေ့ အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

ပြောင်းရွှေ့ကြေး တောင်းဆိုမှု မြင့်မားလို့ ထရပ်ကို လက်လျှော့ခဲ့တဲ့ ယူနိုက်တက်

မန်ချက်စတာယူနိုက်တက် အသင်း အနေနဲ့ ကလပ် ဖရန့်ဖတ်ရဲ့ ဂိုးသမား ကီဗင် ထရပ်ကို ခေါ်ယူဖို့ ကြိုးပမ်းခဲ့ပေမယ့် မြင့်မားတဲ့ ပြောင်းရွှေ့ကြေးကြောင့် လက်လျှော့ခဲ့တာ ဖြစ်ကြောင်း သတင်းတွေက ဖော်ပြလာပါတယ်။ ဒါးဗစ် ဒက်ဟဲယားကို ဖိအားပေးနိုင်မယ့် ဂိုးသမား တစ်ဦးကို ရှာဖွေနေတဲ့ ယူနိုက်တက်တို့ ထရပ်ကို စိတ်ဝင်စားခဲ့ပေမယ့် ဖရန့်ဖတ် ဘက်က ပြောင်းရွှေ့ကြေး တောင်းဆိုမှုက မြင့်မားတာကြောင့် နောက်ဆုတ်ခဲ့ခြင်း ဖြစ်တယ်လို့ အခိုင်အမာ ဖော်ပြနေကြတာပါ။

အသက် ၃၂ နှစ် အရွယ် ရှိပြီ ဖြစ်တဲ့ ဂိုးသမား အတွက် ဖရန့်ဖတ်က ပြောင်းရွှေ့ကြေး အဖြစ် ပေါင် ၂၁ သန်း အထိ တောင်းဆိုခဲ့တာလည်း ဖြစ်ပြီး ယူနိုက်တက် ကတော့ ပေါင် ၁၀ သန်း ဝန်းကျင်သာ ပေးချေလိုခဲ့တယ်လို့ သိရပါတယ်။ ကီဗင် ထရပ်ဟာ ပြီးခဲ့တဲ့ ရာသီက ဘွန်ဒက်စ်လီဂါ အတူ ယူရိုပါလိဂ် ချန်ပီယံဆု ဆွတ်ခူးနိုင်ခဲ့ပြီး တစ်ရာသီလုံး လက်စွမ်းပြနိုင်ခဲ့သူ ဖြစ်ပါတယ်။

အစောပိုင်း သတင်းတွေ မှာတော့ ဖရန့်ဖတ်နဲ့ ထရပ် ကိုယ်တိုင်က ယူနိုက်တက်ကို ငြင်းဆန်ပယ်ချခဲ့ကြောင်း သတင်းတွေ ထွက်ခဲ့ပေမယ့် လက်ရှိ မှာတော့ ထရပ်က ယူနိုက်တက်မှာ ကစားရမယ့် အခွင့်အရေးကို မက်မောနေတယ်လို့ ဆိုနေကြပါတယ်။ ဒါပေမယ့် ဖရန့်ဖတ် ကတော့ သူတို့ရဲ့ အဓိက ဂိုးသမားကို ဆက်လက် ထိန်းသိမ်းထားချင်ပြီး အသင်းမပြောင်းဖို့ အစွမ်းကုန် ကြိုးပမ်းသွားဖို့ ရှိနေတယ်လို့လည်း သိရပါတယ်။

ချဲလ်ဆီး ကစားသမား နှစ်ဦးကို စိတ်ဝင်စားနေတဲ့ လိုက်ပ်ဇစ်နဲ့ လေဗာကူဆင်

ဘွန်ဒက်စ်လီဂါရဲ့ ထိပ်သီး အသင်းတွေ ဖြစ်တဲ့ အာဘီ လိုက်ပ်ဇစ်နဲ့ လေဗာကူဆင် တို့ကတော့ ချဲလ်ဆီး ကစားသမားတွေ ဖြစ်တဲ့ ချာလိုဘာ့ရ်နဲ့ ဟက်ဒ်ဆန် အိုဒွိုင်း တို့ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ ခံစစ် မှာသာမက ကွင်းလယ်မှာပါ ကစားနိုင်တဲ့ ချာလိုဘာ့ရ်ကို လိုက်ပ်ဇစ်က ပစ်မှတ်ထားနေပြီး လေဗာကူဆင် ကတော့ ပုံမှန် ကစားခွင့် ပျောက်ဆုံးနေတဲ့ အိုဒွိုင်းကို လိုချင်နေတာ ဖြစ်ပါတယ်။

အစောပိုင်း သတင်းတွေ အရ ဆိုရင် အိုဒွိုင်းကို ခေါ်ယူဖို့ ဘွန်ဒက်စ်လီဂါ ကလပ်နဲ့ ချဲလ်ဆီးတို့ အကြား ဆွေးနွေးမှုတွေတောင် ပြုလုပ်နေပြီလို့ သိရပါတယ်။ ချဲလ်ဆီး နည်းပြ တူချယ်လ်က ဒီရာသီမှာ အဲ့ဒီ ကစားသမား နှစ်ဦးစလုံးကို အရံခုံသာ ပို့ထားပြီး ပုံမှန် ပွဲထွက်ခွင့်ရဖို့ အာမခံချက်လည်း မပေးထားဘူးလို့ သိရပါတယ်။ အထူးသဖြင့် အသင်းကို စတာလင် ရောက်ရှိလာခဲ့ပြီးနောက် အိုဒွိုင်း အနေနဲ့ ပွဲထွက်ခွင့်ရဖို့ အခွင့်အရေး နည်းပါးသွားခဲ့တာကြောင့် သူ့ရဲ့ အနာဂတ်ကို စဉ်းစားနေခဲ့ပြီး လေဗာကူဆင် ကို တစ်ရာသီ အငှားနဲ့ ပြောင်းရွှေ့ဖို့ များနေခဲ့တာ ဖြစ်ပါတယ်။

ချာလိုဘာ့ရ် ကတော့ ပြီးခဲ့တဲ့ ရာသီက ပွဲကစားခွင့်တွေ ရခဲ့ပြီး ခြေစွမ်းလည်း ပြနိုင်ခဲ့ပေမယ့် ကူလီဘာလီ ရောက်လာတဲ့နောက်ပိုင်း အရန်ခုံထိုင်ရဖို့ ဖြစ်လာတာကြောင့် အသင်းပြောင်းချင်နေတာ ဖြစ်ပါတယ်။ လိုက်ပ်ဇစ် ကတော့ သူတို့ရဲ့ ဗဟိုခံစစ် ကစားသမား လူးကပ်စ် ကလော့တ်စတာမန် ဒဏ်ရာရသွားခဲ့လို့ ချာလိုဘာ့ရ်ကို တစ်ရာသီ အငှားနဲ့ ခေါ်ယူချင်နေတာ ဖြစ်ပါတယ်။ ချာလိုဘာ့ရ် ကိုတော့ လိုက်ပ်ဇစ် အပြင် စီးရီးအေ ကလပ် အင်တာမီလန်နဲ့ ရိုးမား ကလည်း စိတ်ဝင်စားနေတယ်လို့ သိရပါတယ်။

နာဘီ ကေတာကို ဒေါ့မန် စိတ်မဝင်စား

လစ်ဗာပူးလ် အသင်းရဲ့ ကွင်းလယ်လူ နာဘီ ကေတာ ကို စိတ်ဝင်စားနေတယ် ဆိုတဲ့ သတင်းတွေ ကိုတော့ ဒေါ့မန် ဘက်က ငြင်းဆန်သွားခဲ့ပါတယ်။ အင်္ဂလိန် မီဒီယာတွေမှာ ဒေါ့မန်က နာဘီ ကေတာကို စိတ်ဝင်စားနေကြောင်း အကျယ်တဝင့် ဖော်ပြနေခဲ့ပေမယ့် ဘွန်ဒက်စ်လီဂါ ကလပ် ကတော့ အသက် ၂၇ နှစ် အရွယ် ကစားသမားကို ခေါ်ယူသွားမှာ မဟုတ်ကြောင်း ချက်ချင်းပဲ ငြင်းဆန်သွားခဲ့တာ ဖြစ်ပါတယ်။

ကေတာဟာ လစ်ဗာပူးလ်မှာ ဒဏ်ရာ ပြသနာတွေနဲ့ ရုန်းကန်နေရပြီး အရင်က ကစားခဲ့ဖူးတဲ့ ဘွန်ဒက်စ်လီဂါကို ပြန်လည် ပြောင်းရွှေ့ဖို့ ဆန္ဒရှိနေတယ် ဆိုပြီး သတင်းတွေ ဖော်ပြနေခဲ့တာပါ။ ဒါ့အပြင် လစ်ဗာပူးလ်တို့ လိုက်ဇစ်မှာ ခြေစွမ်းပြနိုင်ခဲ့တဲ့ ကေတာကို ပေါင်သန်း ၆၀ အထိ ပေးချေ ခေါ်ယူခဲ့ပေမယ့် ကစားသမား ကတော့ ဒဏ်ရာပြသနာတွေနဲ့ လုံးပမ်းနေရတာကြောင့် အသင်းဘက်က စိတ်တိုင်းမကျ ဖြစ်နေတယ်လို့လည်း သတင်းတွေ ထွက်နေခဲ့ပါသေးတယ်။

လိုက်ပ်ဇစ် ကွင်းလယ်လူဟောင်းဟာ လစ်ဗာပူးလ်နဲ့ စာချုပ် သက်တမ်း တစ်နှစ်သာ ကျန်ရှိတော့သူလည်း ဖြစ်ပါတယ်။ ဒါကြောင့် လာမယ့် ရာသီမှသာ ရောင်းထုတ်မယ် ဆိုရင် ပြောင်းရွှေ့ကြေး ရရှိမှု နည်းပါးသွားနိုင်တဲ့ အခြေအနေ ဖြစ်လို့ လစ်ဗာပူးလ် ဘက်က ချက်ချင်း ရောင်းထုတ်လိုနေတယ်လို့လည်း သိရပါတယ်။

ဒေါ့မန် ကတော့ ဂျူဗင်တပ်စ် ကွင်းလယ်လူတွေ ဖြစ်တဲ့ ဇာကာရီယာနဲ့ မက်ကင်နီ တို့ကိုသာ စိတ်ဝင်စားနေသလို ဘဏ္ဍာရေးပိုင်း အားနည်းနေတာကြောင့် လူသစ် ခေါ်ယူဖို့ အခက်အခဲ ရှိနေတယ်လို့ သိရပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.