ဘွန်ဒက်စ်လီဂါ – ညနေခင်း သတင်းများ (၁၇/၉/၂၀၂၂)

စက်တင်ဘာ ၁၇ ရက်နေ့ ညနေခင်း အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

အိုလံပီယာကော့စ်ကို တစ်ရာသီ အငှားနဲ့ ပြောင်းသွားတဲ့ ဟော့ဖန်ဟိမ်း ကွင်းလယ်လူ

ဟော့ဖန်ဟိမ်း အသင်းရဲ့ ကွင်းလယ်လူ ဒီယာဒီ ဆာမက်ဆီကူ ကတော့ ဂရိ ကလပ် အိုလံပီယာကော့စ် အသင်းထံ တစ်ရာသီ အငှားနဲ့ ပြောင်းရွှေ့သွားခဲ့တယ်လို့ သိရပါတယ်။ သတင်းတွေ အရ ဆိုရင် ဆာမက်ဆီကူရဲ့ အငှား စာချုပ်ထဲမှာ အပြီးသတ် ဝယ်ယူခွင့် ကိုပါ ထည့်သွင်း ချုပ်ဆိုထားတယ်လို့ သိရပါတယ်။

အိုလံပီယာကော့စ် အနေနဲ့ ဆာမက်ဆီကူကို ခေါ်ယူချင်ရင်တော့ ပြောင်းရွှေ့ကြေး ယူရို ၁၃ သန်း ပေးချေရမယ် လို့လည်း သိရပါတယ်။ အသက် ၂၆ နှစ် အရွယ် မာလီ လက်ရွေးစင်ဟာ ကွင်းလယ်မှာ သာမက ကွင်းလယ် အဖျက် နေရာမှပါ ကစားနိုင်ပြီး ထိပ်သီး အသင်းကြီး တော်တော်များများရဲ့ စောင့်ကြည့်ခြင်း ခံနေရတဲ့ ကစားသမားလည်း ဖြစ်ပါတယ်။

ဆာမက်ဆီကူဟာ မိုချင်ဂလတ်ဘတ်နဲ့ ကစားခဲ့တဲ့ ဘွန်ဒက်စ်လီဂါ ပွဲစဉ် ၁ ရဲ့ ပွဲကစားချိန် ၂၄ မိနစ်မှာ လူစားလဲ ခံခဲ့ရပြီးနောက် နောက်ဆုံး ၁၀ ပွဲမှာ စုစုပေါင်း ၅ မိနစ်သာ ပွဲထွက်ကစားခဲ့သူ ဖြစ်ပါတယ်။ ဟော့ဖန်ဟိမ်း အားကစား ဒါရိုက်တာ အလက်ဇန္ဒား ရိုဆန်ရဲ့ ပြောကြားချက်အရ ဒီယာဒီဟာ အသင်းမှာ အလွန်အမင်း မပျော်မရွှင် ဖြစ်နေခဲ့ပေမယ့် အခု လက်ရှိမှာတော့ အကောင်းဆုံး ဖြေရှင်းလိုက်နိုင်ပြီ ဖြစ်ကြောင်း၊ ဒါ့အပြင် ဒီကစားသမားရဲ့ တန်ကြေး ကိုတော့ ရာသီ အကုန်မှ ပြန်လည် သတ်မှတ်သွားမယ်လို့ သိရပါတယ်။

ဒီယာဘီကို ခေါ်ယူဖို့ အာဆင်နယ်နဲ့ ချဲလ်ဆီးတို့ အပြိုင်ကြိုးပမ်းသွားဖွယ် ရှိနေ

ဘွန်ဒက်စ်လီဂါ ကလပ် လေဗာကူဆင် အသင်းရဲ့ တောင်ပံ ကစားသမား မူဆာ ဒမ်ဘီလီ ကိုတော့ ပရီးမီးယားလိဂ် ထိပ်သီး အာဆင်နယ်နဲ့ ချဲလ်ဆီး တို့က အပြိုင်အဆိုင် ခေါ်ယူဖို့ ကြိုးပမ်းသွားဖွယ် ရှိကြောင်း သိရပါတယ်။

ဒီယာဘီဟာ လေဗာကူဆင်နဲ့ စာချုပ်သက်တမ်း ၃ နှစ် ကျန်ရှိသူ ဖြစ်ပြီး လက်တလော ဂျာမန် မြေမှာ ခြေစွမ်းပြနေသူ ဖြစ်တာကြောင့် သူ့ကို ခေါ်ယူချင်တဲ့ ကလပ်တွေ အနေနဲ့ ပြောင်းရွှေ့ကြေး အများအပြား အသုံးပြုရဖွယ် ရှိတယ်လို့လည်း သတင်းတွေက ဖော်ပြပါတယ်။ ပြင်သစ် တောင်ပံ ကစားသမားဟာ ပြီးခဲ့တဲ့ ၂၀၁၉ ခုနှစ်ကမှ ပြင်သစ် ကလပ် ပီအက်စ်ဂျီ ကနေ ယူရို ၁၅ သန်း ဝန်းကျင်နဲ့ ပြောင်းရွှေ့လာသူ ဖြစ်ပြီး လေဗာကူဆင် အတွက် ပြိုင်ပွဲစုံ ၁၃၃ ပွဲ ကစားရာမှာ ၃၆ ဂိုး သွင်းကာ၊ ဂိုးဖန်တီးမှု ၃၉ ကြိမ်အထိ ပြုလုပ်ထားနိုင်ပါတယ်။

90 Minutes ရဲ့ ဖော်ပြချက်အရ အာဆင်နယ်နဲ့ ချဲလ်ဆီး အသင်း တာဝန်ရှိသူတွေဟာ လေဗာကူဆင်နဲ့ အက်တလက်တီကို မက်ဒရစ်တို့ ကစားတဲ့ ပွဲစဉ်ကို လာရောက် ကြည့်ရှုခဲ့ကြပြီး ဒီယာဘီရဲ့ ခြေစွမ်းကို လေ့လာခဲ့ကြတယ်လို့ သိရပါတယ်။ အဲ့ဒီပွဲမှာ လေဗာကူဆင်က အက်တလက်တီကို, ကို ၂ ဂိုးပြတ် အနိုင်ရခဲ့ပြီး ဒီယာဘီ ကလည်း အသင်း အတွက် အနိုင်သေချာစေမယ့် ဂိုးကို သွင်းယူပေးနိုင်ခဲ့ပါတယ်။

တချို့သတင်းတွေ မှာတော့ ဒီယာဘီကို ပရီးမီးယားလိဂ် အသင်းကြီးတွေ ဖြစ်တဲ့ မန်ချက်စတာစီးတီး၊ တော့တင်ဟမ်ဟော့စပါးနဲ့ နယူးကာဆယ် တို့ကလည်း ခေါ်ယူဖို့ စိတ်ဝင်စားနေတယ်လို့ သိရပါတယ်။

မာနေး တစ်ယောက် ဘေယန်မြူးနစ်မှာ မပျော်ရွှင်ဖြစ်နေကြောင်း လစ်ဗာပူးလ် ဂန္တဝင် ဖွင့်ဟ

ဆာဒီယို မာနေး တယောက် ဘေယန်မြူးနစ်မှာ မပျော်မရွှင် ဖြစ်နေတယ်လို့ လစ်ဗာပူးလ် ဂန္တဝင် ကစားသမားဟောင်း ဒီဒီယာ ဟာမန်းက သုံးသပ် ပြောကြားလိုက်ပါတယ်။ ဆီနီဂေါ လက်ရွေးစင်ဟာ ပြီးခဲ့တဲ့ နွေရာသီမှာ လစ်ဗာပူးလ် ကနေ ဘွန်ဒက်စ်လီဂါ ထိပ်သီး ကလပ်ကို ပြောင်းရွှေ့သွားခဲ့တာပါ။

မာနေးဟာ ဘေယန်မြူးနစ် အတွက် နောက်ဆုံး (၅) ပွဲ ဆက်တိုက် ဂိုးမသွင်းနိုင်ခဲ့ဘဲ နည်းပြ ဂျူလီယန် နေဂဲလ်စ်မန်း ကလည်း မာနေး တယောက် အသင်းမှာ အသားကျဖို့ လိုအပ်သေးတယ်လို့ ဝန်ခံထားပါတယ်။

ဟာမန်းက “မာနေး လစ်ဗာပူးလ် မှာတုန်းက အလယ်ဗဟိုဝင် ကစားခဲ့တာကို ကျနော် တွေ့ဖူးပါတယ်။ ဒါက သူ့ရဲ့နေရာ မဟုတ်ပါဘူး။ အခု သူက ဘေယန်မြူးနစ် မှာလည်း ဒီလို ပုံစံ ဖြစ်နေပါတယ်။ တောင်ပံထွက် ကစားချိန်မှာ သူ့ရဲ့ အကောင်းဆုံး ပုံစံကို မြင်တွေ့ရပြီး အခုချိန်မှာ မာနေး ပျော်ရွှင်နေတယ်လို့ ကျနော်တော့ မမြင်ပါဘူး။ တခြား ကစားသမားတွေ ဖြစ်တဲ့ လီရွိုင်း ဆာနေး၊ ဂျာမယ်လ် မူဆီရာလာ၊ လူးကပ်စ် ဟာနန်ဒက်ဇ် တို့က လက်ရှိအချိန်မှာ ပုံစံကောင်းတွေ ပြသနေပါတယ်” လို့ ဆိုပါတယ်။

အဲ့နောက် ဟာမန်းက “ဘယ်သူကမှ မာနေး အကြောင်းကို မပြောကြပါဘူး။ သူက တယောက်တည်း သီးသန့် ဖြစ်နေပြီး ဘေယန်မြူးနစ်က ဒါကို ဖြေရှင်းရပါမယ်” လို့လည်း ဆက်လက် ပြောကြားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.