ဗီလာရီးရဲလ် နောက်ခံလူကို စိတ်ဝင်စားနေတဲ့ ဘေယန်မြူးနစ် စတဲ့ သတင်း အပါအဝင် ဇွန်လ ၂၄ ရက်နေ့ရဲ့ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။
ဗီလာရီးရဲလ် နောက်ခံလူကို စိတ်ဝင်စားနေတဲ့ ဘေယန်မြူးနစ်
ဘေယန်မြူးနစ်ဟာ ဗီလာရီးရဲလ် နောက်ခံလူ ပါအူ တောရက်စ်ကို ခေါ်ယူဖို့ အတွက် ပရီးမီးယားလိဂ် ကလပ် အက်စတွန်ဗီလာနဲ့ အပြိုင် စိတ်ဝင်စားနေကြောင်း သိရပါတယ်။ အဆိုပါ စပိန် လက်ရွေးစင် နောက်ခံလူဟာ လက်ရှိ နွေရာသီ အပြောင်းအရွှေ့မှာ အသင်းပြောင်းဖို့ စဥ်းစားနေပြီး သူ့ကို ခေါ်ယူဖို့ အတွက် ဥရောပ ထိပ်တန်း အသင်းကြီးတွေက စိတ်ဝင်စားလျက် ရှိပါတယ်။
အသက် (၂၆) နှစ် အရွယ် ပါအူ တောရက်စ်ဟာ Ball-playing Defender တစ်ယောက် ဖြစ်ပြီး ဘယ်သန် နောက်ခံလူ တစ်ယောက်လည်း ဖြစ်ပါတယ်။ ဒါကြောင့် လူးကပ်စ် ဟာနန်ဒက်ဇ် ထွက်ခွာနိုင်ဖွယ် ရှိတဲ့ ဘွန်ဒက်စ်လီဂါ ကလပ် ဘေယန်မြူးနစ်က စိတ်ဝင်စားနေတာပါ။
တစ်ဖက်မှာလည်း အက်စတွန်ဗီလာ နည်းပြ အူနိုင်း အမ်မရီက ပါအူ တောရက်စ်နဲ့ လက်တွဲခဲ့ဖူးတာကြောင့် ဒီကစားသမားရဲ့ အကြောင်းကို ကောင်းကောင်း သိရှိထားပြီး ခေါ်ယူဖို့ စိတ်ဝင်စားနေတာပါ။ ဗီလာရီးရဲလ် ကတော့ လက်ရှိနွေရာသီမှာ နီကိုးလပ်စ် ဂျက်ဆင်၊ ဆမ်မြူရယ် ချာကွာဇီတို့ကို ရောင်းထုတ်ရဖွယ် ရှိနေတာကြောင့် ပါအူ တောရက်စ်ကို ရောင်းထုတ်ဖို့ ဆန္ဒမရှိ ဖြစ်နေပါတယ်။
ဂယ်လာဂါကို စပါးနဲ့ အပြိုင် စိတ်ဝင်စားနေတဲ့ ဒေါ့မန်
ဒေါ့မန်ဟာ ချဲလ်ဆီး ကွင်းလယ်လူ ကော်နာ ဂယ်လာဂါကို ခေါ်ယူဖို့ အတွက် တော့တင်ဟမ်ဟော့စပါးနဲ့ အပြိုင် စိတ်ဝင်စားနေကြောင်း သိရပါတယ်။ ဂယ်လာဂါဟာ လက်ရှိ နွေရာသီ အပြောင်းအရွှေ့မှာ ချဲလ်ဆီးရဲ့ ရောင်းချမယ့် ကစားသမားစာရင်းထဲ ပါဝင်နေပါတယ်။ သူ့ကိုတော့ ပရီးမီးယားလိဂ် အလယ်အလတ်တန်း အသင်းတွေက ခေါ်ယူဖို့ စိတ်ဝင်စားနေတာပါ။
အဆိုပါ အင်္ဂလန် လက်ရွေးစင် ကွင်းလယ်လူကို ခေါ်ယူဖို့ အတွက် အသင်းဟောင်း ခရစ္စတယ်ပဲလေ့စ်က ချိတ်ဆက်နေသလို စပါး ကလည်း ချိတ်ဆက်လျက် ရှိပါတယ်။ တစ်ဖက်မှာလည်း ဂျူ့ဒ် ဘယ်လင်ဟမ်ကို ရောင်းချထားတဲ့ ဘွန်ဒက်စ်လီဂါ ကလပ်က ကွင်းလယ်ကို အင်အား ဖြည့်တင်းဖို့ ဂယ်လာဂါကို စိတ်ဝင်စားနေတာ ဖြစ်ပါတယ်။
သတင်းတွေရဲ့ ဖော်ပြချက်အရ ဘွန်ဒက်စ်လီဂါ ကလပ်ဟာ ဂယ်လာဂါရဲ့ အခြေအနေကို အနီးကပ် စောင့်ကြည့်နေပြီး အခွင့်သာတာနဲ့ တပြိုင်နက် ချဲလ်ဆီးထံ ကမ်းလှမ်းသွားဖို့ ပြင်ဆင်ထားကြောင်း သိရပါတယ်။
ကင်မင်ဂျေး ဘေယန်ကို ပြောင်းဖို့ နီးစပ်နေလို့ တန်ဟက်ခ် ဒေါသထွက်
မန်ချက်စတာယူနိုက်တက် နည်းပြ အဲရစ်ခ် တန်ဟက်ဂ်က လက်ရှိ နွေရာသီမှာ ခေါ်ယူဖို့ ပစ်မှတ်ထားနေတဲ့ နာပိုလီ နောက်ခံလူ ကင်မင်ဂျေးကို ဘေယန်မြူးနစ်တို့ ခေါ်ယူဖို့ နီးစပ်နေတာကြောင့် ဒေါသထွက်နေကြောင်း သိရပါတယ်။
ကင်မင်ဂျေး အတွက် ယူနိုက်တက်တို့ ပြီးခဲ့တဲ့ ဘောလုံးရာသီမှာ ကတည်းက စိတ်ဝင်စားနေခဲ့တာ ဖြစ်ပြီး ခေါ်ယူဖို့ အတွက်လည်း နီးစပ်ခဲ့ပါတယ်။ ဒါပေမယ့် လက်ရှိအချိန်မှာ ယူနိုက်တက်ရဲ့ ပိုင်ရှင် အပြောင်းအလဲ ကိစ္စတွေက မပြီးပြတ်သေးတာကြောင့် ဘွန်ဒက်စ်လီဂါ လက်ရှိ ချန်ပီယံ ဘေယန်မြူးနစ်က ကင်မင်ဂျေး အတွက် ကြားဖြတ် ဝင်ရောက်လာခဲ့တာပါ။သတင်းတွေရဲ့ ဖော်ပြချက်အရ ဘေယန်မြူးနစ်ဟာ ကင်မင်ဂျေးကို ခေါ်ယူဖို့ အတွက် ပုဂ္ဂိုလ်ရေး သဘောတူညီမှု ရရှိဖို့ နီးစပ်နေပြီး နာပိုလီ တောင်းဆိုတဲ့ ပြောင်းရွှေ့ကြေးကိုလည်း ပေးချေသွားဖို့ အဆင်သင့် ရှိနေပါတယ်။ အဲ့ဒါကြောင့်လည်း တန်ဟက်ဂ်က ယူနိုက်တက် အသင်း တာဝန်ရှိသူတွေရဲ့ လက်ရှိ အပြောင်းအရွှေ့ ကာလ လှုပ်ရှားမှုတွေကို စိတ်ပျက်နေပြီး အသင်း အပေါ် ဒေါသ ပေါက်ကွဲနေကြောင်းလည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
