ရာသီသစ် မစခင် ကိန်းနဲ့ ဝေါ်လ်ကာကို အရ ခေါ်ဖို့ ညွှန်ကြားထားတဲ့ ဘေယန်မြူးနစ် (ဘွန်ဒက်စ်လီဂါ သတင်းများ)

ဒီတစ်ခါ မှာတော့ ဇူလိုင်လ ၂၆ ရက်နေ့ အထိ ရရှိထားသမျှ ဘွန်ဒက်စ်လီဂါ သတင်းတွေကို ဖော်ပြပေးသွားမှာ ဖြစ်ပါတယ်။

ရာသီသစ် မစခင် ကိန်းနဲ့ ဝေါ်လ်ကာကို အရခေါ်ဖို့ ညွှန်ကြားထားတဲ့ ဘေယန်မြူးနစ်

ဘေယန်မြူးနစ်ဟာ အသင်းရဲ့ အမှုဆောင်တွေ၊ တာဝန်ရှိသူတွေကို လာမယ့် ဘောလုံးရာသီသစ် မစခင်မှာ ဟယ်ရီကိန်းနဲ့ ကိုင်လီ ဝေါ်လ်ကာတို့ နှစ်ယောက်ကို အရခေါ်ယူဖို့ ညွှန်ကြားထားကြောင်း သိရပါတယ်။ 

လက်ရှိအချိန်မှာ အဆိုပါ ဘွန်ဒက်စ်လီဂါ ကလပ်က အင်္ဂလန်သား နှစ်ယောက်ကို ခေါ်ယူဖို့ အပူတပြင်း ကြိုးပမ်းနေပြီး ကစားသမားတွေရဲ့ မိခင်အသင်းတွေ ဘက်ကလည်း တင်းခံထားဆဲပါ။ ဝေါ်လ်ကာ ကိုလည်း ဘေယန်မြူးနစ်တို့ နှစ်နှစ် စာချုပ် သက်တမ်းနဲ့ ခေါ်ယူဖို့ ကြိုးစားနေပြီး ဟယ်ရီကိန်း ကိုလည်း (၅) နှစ် စာချုပ်နဲ့ ခေါ်ယူဖို့ ဆန္ဒရှိနေတာပါ။ 

ဒါပေမယ့် မန်ချက်စတာစီးတီးနည်းပြ ပက်ပ်ဂွါဒီယိုလာက ဝေါ်လ်ကာကို အသင်းမှာ ဆက်ထိန်းသွားမယ်လို့ ပြောကြားထားပြီး စပါး ကလည်း ဟယ်ရီကိန်းအတွက် ယူရိုသန်း (၁၀၀) ရရှိမှသာ ရောင်းချသွားမှာဖြစ်ပါတယ်။ 

ကိန်းက ဘေယန်မြူးနစ်ကို ပိုကောင်းစေနိုင်ကြောင်း ဥက္ကဌပြော 

ဘေယန်မြူးနစ် ဥက္ကဌ ဟာဘတ် ဟိုင်နာက တော့တင်ဟမ်ဟော့စပါး တိုက်စစ်မှူး ဟယ်ရီကိန်းဟာ အသင်းနဲ့ ဘွန်ဒက်စ်လီဂါကို ပိုကောင်းစေနိုင်ကြောင်း ပြောကြားခဲ့ပါတယ်။ လက်ရှိအချိန်မှာ ဘေယန်မြူးနစ်တို့ ဟယ်ရီကိန်းကို အရခေါ်ယူဖို့ ကြိုးပမ်းနေပြီး ကစားသမား ကိုယ်တိုင် ကလည်း စပါး ကသာ သဘောတူခဲ့ရင် ဘေယန်မြူးနစ်ကို ပြောင်းရွှေ့ဖို့ ဆန္ဒရှိနေပါတယ်။ 

ဟိုင်နာက ဘွန်ဒက်စ်လီဂါ မှာက ကြယ်ပွင့်တွေ အများကြီး မရှိဘူးလို့ ထင်မြင်ကြောင်း၊ ဘေယန်မြူးနစ်က ကြယ်ပွင့်တွေကို ခေါ်ယူဖို့ အမြဲတမ်း ကြိုးစားနေပြီး ဟယ်ရီကိန်းက အင်္ဂလန် အသင်းခေါင်းဆောင်၊ ဂိုးသွင်းရှင် တစ်ယောက် ဖြစ်ကြောင်း ချီးကျူးခဲ့ပါတယ်။ 

ဒါ့အပြင် ဒီကစားသမားက အသင်းအတွက်ရော၊ ဘွန်ဒက်စ်လီဂါ အတွက်ပါ ကောင်းမွန်တဲ့ ခေါ်ယူမှု ဖြစ်လာနိုင်ကြောင်း၊ ဒါပေမယ့် လက်ရှိမှာတော့ ဘာအပြောင်းအလဲမှ မရှိသေးကြောင်း ပြောကြားသွားခဲ့ပါတယ်။ 

လိုက်ပ်ဇစ်ကို မပြောင်းခင် ကလော့ပ်နဲ့ စကားမပြောခဲ့ကြောင်း ကာဗယ်လ်ဟိုပြော 

လက်ရှိ နွေရာသီ အပြောင်းအရွှေ့မှာ လစ်ဗာပူးလ် ကနေ ဘွန်ဒက်စ်လီဂါ ကလပ် လိုက်ပ်ဇစ်ကို အငှားနဲ့ ပြောင်းရွှေ့လာခဲ့တဲ့ ဖေဘီယို ကာဗယ်လ်ဟိုက အသင်းမပြောင်းခင် လစ်ဗာပူးလ် နည်းပြ ယာဂင် ကလော့ပ်နဲ့ စကားမပြော ဖြစ်ခဲ့ကြောင်း ပြောကြားခဲ့ပါတယ်။ 

အဆိုပါ ကွင်းလယ် ကြယ်ပွင့်ဟာ ပုံမှန်ပွဲထွက်ခွင့်အတွက် လိုက်ပ်ဇစ်ကို အငှားနဲ့ ပြောင်းရွှေ့ခဲ့တာဖြစ်ပြီး အသင်းနဲ့ (၁) နှစ် စာချုပ်ချုပ်ဆိုထားပါတယ်။ လိုက်ပ်ဇစ်ဟာ ကာဗယ်လ်ဟိုကို အပြီးသတ်ခေါ်ယူလိုသည့်တိုင် လီဗာပူးကတော့ အသက် (၂၀) အရွယ် ဒီကစားသမားကို အပြီးသတ် ရောင်းချလိုခြင်း မရှိပါဘူး။ 

ကာဗယ်လ်ဟိုက ကလော့ပ်နဲ့ စကားမပြောဖြစ်ခဲ့တာကြောင့် သူ့ဆီက ဘာအကြံဥာဏ်မှ ရယူခဲ့ခြင်း မရှိကြောင်း၊ ဒါက ဆိုးရွားတဲ့ ကိစ္စလို့ မထင်မြင်ကြောင်း၊ ပိုကောင်းတဲ့ လမ်းကို ရွေးချယ်ခဲ့တာ ဖြစ်ပြီး လူသားတစ်ယောက် အနေနဲ့ရော၊ ကစားသမား တစ်ယောက် အနေနဲ့ပါ ရင့်ကျက်လာမှာ ဖြစ်ကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.