ဒက်ချ်မြေမှာ ရောမသားတို့ ရုန်းကန်ရမယ် - ယူရိုပါလိဂ် ပွဲကြိုသုံးသပ်ချက်

အေဂျက်စ် vs ရိုးမား

ချန်ပီယံလိဂ် တွေ ကစားပြီး တစ်ဆက်တည်းမှာပဲ ယူရိုပါလိဂ် ပွဲစဉ်တွေ ကစားမှာ ဖြစ်ပြီး နာမည်ကြီး အသင်းတစ်ချို့ရဲ့ ထိပ်တိုက်တွေ့ဆုံမှုကလည်း ပရိသတ်တွေကို ဖမ်းစားနိုင်ဦးမှာပါ။ အခုတစ်ခါမှာတော့ ယူရိုပါလိဂ် ကွာတားဖိုင်နယ် ပွဲစဉ်တွေထဲက အေဂျက်စ်-ရိုးမားပွဲနဲ့ ပတ်သတ်တဲ့ ပွဲကြိုခန့်မှန်းချက် တချို့ကို SBOTOP ပရိသတ်တွေ အတွက် ဖော်ပြပေးပါမယ်။

ချန်ပီယံလိဂ် ကနေ နန်းကျလာတဲ့ နယ်သာလန် ထိပ်သီး အေဂျက်စ်တို့ ယူရိုပါလိဂ် မှာတော့ တောက်လျောက် ခြေစွမ်းပြနေပါတယ်။ ပြင်သစ်ကလပ် လိုင်လီကို ၄-၂ နဲ့ ကျော်ဖြတ်ပြီး ဆွစ်ဇာလန် ကလပ် ယန်းဘွိုင်းစ်ကို ၅ ဂိုးပြတ်နဲ့ ဖြုတ်ချပြီး ဒီအဆင့်ကို တက်လာတဲ့ အေဂျက်စ်တို့ရဲ့ စုဖွဲ့မှုကို အထင်သေးလို့မရပါဘူး။ အေဂျက်စ်တို့ နောက်ဆုံး ကစားခဲ့တဲ့ ပြိုင်ပွဲစုံ ၂၄ ပွဲဆက် ရှုံးပွဲမရှိသေးပဲ ပွဲအများစုကိုလည်း အနိုင်ရထားပါတယ်။ နယ်သာလန် ပြည်တွင်းလိဂ်မှာ ဒုတိယနေရာက ပီအက်စ်ဗွီကို ၁၁ မှတ်အထိ ဖြတ်ပြီး ဦးဆောင်ထားကာ ရာသီအကုန်မှာ ဖလားတစ်လုံးရဖို့ သေချာသလောက်ပါပဲ။ ဒူဆန် တာဒစ် ဦးဆောင်နေတဲ့ တိုက်စစ်က ဒီရာသီမှာ ပြိုင်ပွဲစုံ သွင်းဂိုး ၁၀၀ ကျော်အထိ ရရှိပြီး ဖြစ်သလို ခံစစ်ကတော့ ပေးဂိုး သိပ်မရှိတာ တွေ့ရပါတယ်။ လက်ရှိ အသင်းမှာ ဒါလေးဘလိုင်း၊ စတက်ကယ်လန်ဘတ် ကလွဲလို့ ကျန်ကစားသမားတွေ အားလုံး ကစားနိုင်ဖို့ ရှိလို့ ပြိုင်ဘက်ကို အိမ်ကွင်းမှာ အကောင်းဆုံး ဧည့်ခံသွားဖို့ ရှိနေမှာ အမှန်ပါပဲ။

ရိုးမား ကတော့ လက်တလော စီးရီးအေမှာ ရုန်းကန်နေရပေမယ့် ယူရိုပါလိဂ် မှာတော့ ပုံစံကောင်းတစ်ခုနဲ့ အတူ အသင်းကြီး တချို့ကို ကျော်ဖြတ်ပြီး ဒီအဆင့်အထိ ရောက်လာတာပါ။ ပေါ်တူဂီ ထိပ်သီး ဘရာဂါနဲ့ ယူကရိန်းထိပ်သီး ရှက်တာဒိုးနက်စ်တို့ကို နှစ်ကျော့ပေါင်း ၅-၁ ရလဒ်တွေနဲ့ပဲ အနိုင်ယူခဲ့တာကို ကြည့်ခြင်းဖြင့် ခြေစွမ်းပိုင်း ဘယ်လိုမှ မနိမ့်ဘူးဆိုတာ သိနိုင်ပါတယ်။ ရိုးမား တိုက်စစ်က တစ်ဦးတဲ့ ချွန်ပြီး ဂိုးတွေ သွင်းနေတာ မဟုတ်ပဲ ဗယ်ရီတောက်၊ မက်ခီတာရန်၊ ဒီဂျက်ကို တို့ရဲ့ တိုက်စစ်က အချိုးကျဂိုးတွေ သွင်းနေတာ တွေ့ရပါတယ်။ ဒါပေမယ့် အိုင်ဘန့်ဇ်၊ မန်ချီနီ တို့လို ခံစစ်ကစားသမားတွေ တိုက်စစ်ကို အလွန်အကျွံ လိုက်ပါကစားတတ်တာကြောင့် မထင်မှတ်တဲ့ အနေအထားကနေ ဂိုးတွေ ပြန်ပေးနေရတာ ဖြစ်ပါတယ်။ အခုပွဲမှာတော့ ရိုးမားဘက်က မက်ခီတာရန်၊ ကမ်ဘူလာ၊ ဇန်နီယိုလို၊ အိုင်ဘန့်ဇ် တို့ ဒဏ်ရာကြောင့် ပါဝင်လာနိုင်ဖို့ မသေချာဘူးလို့ သိရပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

အေဂျက်စ်နဲ့ ရိုးမားတို့ ဥရောပအဆင့် ပြိုင်ပွဲမှာ ၂ ကြိမ်သာ တွေ့ဆုံခဲ့ဖူးပြီး အေဂျက်စ်က တစ်ပွဲနိုင်ပြီး တစ်ပွဲသရေကျထားပါတယ်။ ၂၀၀၃ ခုနှစ် ချန်ပီယံလိဂ်မှာတုန်းက နောက်ဆုံး တစ်ကြိမ် တွေ့ဆုံထားခဲ့တာ ဖြစ်ပြီး ဂိုးမရှိသရေရလဒ်နဲ့ ပွဲပြီးဆုံးထားပါတယ်။

လောင်းကစားဆိုင်ရာအကြံပြုချက်များ

	အေဂျက်စ် vs ရိုးမား	1X2 အေဂျက်စ် @ 2.01
	ဧပြီလ ၉ ရက်, မနက် ၁:၃၀ နာရီ (GMT + ၆:၃၀)

1X2 ရဲ့ ပေါက်ကြေးအရ အိမ်ရှင်အသင်းအတွက် ၂.၀၀ ဆ နဲ့ ဧည့်သည်အသင်းအတွက် ၃.၅၀ ဆ ကြေးဖွင့် ပြီး သရေအတွက် ၃.၇၅ ဆ ကြေးဖွင့်ထားတာ တွေ့ရပါတယ်။ အေဂျက်စ်ဟာ ဥရောပပြိုင်ပွဲ အတွေ့အကြုံများသလို ရိုးမားဟာလည်း အသင်းကောင်းတစ်သင်း ဖြစ်ပါတယ်။ ဒါပေမယ့် ခြေစွမ်းပိုမှန်တဲ့ အသင်းက အေဂျက်စ်ပါ။ ရိုးမားတို့ အဝေးဂိုး ရနိုင်ပေမယ့် အနိုင်ရမယ့် အသင်းကတော့ အေဂျက်စ်လို့ပဲ ထင်ပါတယ်။

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )