အန်ဘီအေ ရဲ့ ဆီဒင်သတ်မှတ်ချက်ပွဲစဉ်တွေ ပြီးဆုံးခဲ့ပြီး ရှုံးထွက်အဆင့်ပွဲစဉ်တွေ ကစားဖို့ရှိနေပါတယ်။ ဒါပေမယ့် မြောက်ဘက်ကွန်းဖရင့်ရဲ့ အဆင့်၈နေရာကနေ ဘယ်အသင်းနောက်တစ်ဆင့် တက်သွားမလဲဆိုတာကတော့ မကြာခင်မှာ အဖြေပေါ်မှာဖြစ်ပါတယ်။ အဆင့် ၈နေရာအတွက်ကိုတော့ ပို့တ်လန်းထရေးလ်ဘလေဇာနဲ့ မန်းဖစ်ဂရစ်ဇ်လီတို့ အဆုံးအဖြတ်ပွဲစဉ်အဖြစ်ကစားရမှာဖြစ်ပြီး ပို့တ်လန်းထရေးဘလေဇာအသင်းအနေနဲ့ တစ်ပွဲနိုင်ရုံနဲ့ အန်ဘီအေ ရှုံးထွက်အဆင့်တက်ရောက်နိုင်မှာ ဖြစ်ပေမယ့် မန်းဖစ်ဂရစ်ဇ်လီအသင်းကတော့ နှစ်ပွဲအနိုင်ရမှ တက်ရောက်နိုင်မှာဖြစ်ပါတယ်။
ပို့တ်လန်းထရေးလ်ဘလေဇာ သုံးသပ်ချက်
ထရေးလ်ဘလေဇာတို့ နောက်ဆုံးပွဲမှာ ဘရွတ်ကလင်းနတ်စ်ကို တစ်မှတ်တည်းနဲ့ ကပ်အနိုင်ရပြီး ဆီဒင် အဆင့် ၈နေရာကို တက်ရောက်နိုင်ခဲ့လို့ အဆုံးအဖြတ်ပွဲစဉ်ကစားရဖို့ရှိလာတာပါ။ လက်ရှိလက်စွမ်းအရဆို ထရေးလ်ဘလေဇာတို့ ဘယ်လောက်ထိစွမ်းဆောင်နိုင်တယ်ဆိုတာကို သက်သေပြထားခဲ့ပြီးဖြစ်ပါတယ်။ ဒေမီယန်လစ်လဒ်ဟာ နတ်စ်နဲ့ပွဲမှာ တစ်ဦးတည်း ၄၂မှတ်ထိရယူပေးထားပြီး စီဂျေမက်ကောလင်းကလည်း အရေးပါတဲ့ ရမှတ်တော်တော်များများကို ရှာဖွေပေးထားနိုင်ပါတယ်။ ယူဆက်ဖ် နာကစ်နဲ့ ဇက်ခ်ျကောလင်းတို့ ပြန်လည်ပါ၀င်လာတာကလည်း ထရေးလ်ဘလေဇာတို့အတွက် အင်အားတစ်ရပ်ဖြစ်ခဲ့ပြီး လာမယ့်အဆုံးအဖြတ်ပွဲအတွက်လည်း အကောင်းဆုံးလက်စွမ်းပြနိုင်မယ်လို့ထင်ပါတယ်။
မန်းဖစ်ဂရစ်ဇ်လီ သုံးသပ်ချက်
ဂရစ်ဇ်လီတို့ အန်ဘီအေနောက်ဆုံးပွဲမှာ မီဝေါ်ကီဘက်စ်ကို အပြတ်အသတ်အနိုင်ရပြီး ရှုံးထွက်အဆင့်အတွက် မျှော်လင့်ချက်ရှိခဲ့ပါတယ်။ အစောပိုင်းပွဲတွေမှာ အရှုံးတွေနဲ့ လုံးပန်းခဲ့ရတဲ့ ဂရစ်ဇ်လီတို့ အန်ဘီအေနောက်ဆုံးပွဲမှာတော့ အကောင်းဆုံးကြိုးစားခဲ့တယ်လို့ ဆိုနိုင်ပါတယ်။ ဒါပေမယ့် အဲ့ဒီပွဲမှာ ဘက်စ်ရဲ့ အဓိကကစားသမားတွေ ပါ၀င်မကစားခဲ့ပါဘူး။ ဒီလီယန်ဘရွတ်ခ်နဲ့ ဂျိုးနက်စ် တို့ လက်စွမ်းပြနေပေမယ့် အဓိကကစားသမားဖြစ်တဲ့ ဂျာမိုရန့် ရဲ့စွမ်းဆောင်ရည် အတက်အကျရှိနေတာက ဂရစ်ဇ်လီတို့အတွက်ပြဿနာရှိပါတယ်။
နှိုင်းယှဉ်သုံးသပ်ချက်
နှစ်သင်းစလုံး ဒီပွဲအတွက် အကောင်းဆုံးပြင်ဆင်လာမယ်လို့ ထင်ပါတယ်။ ဒေမီယန်လစ်လဒ်၊ စီဂျေမက်ကောလင်း၊ ဝှိုက်ဆိုဒ်၊ နာကစ်တို့လို ကစားသမားတွေရှိတဲ့ ပို့တ်လန်းထရေးလ်ဘလေဇာတို့ အပြတ်အသတ်အသာရနေပါတယ်။ ဂရစ်ဇ်လီကတော့ ဂျမိုရန့်၊ ဒီလီယန်ဘရွတ်ခ်၊ ဂရေဆင်အဲလန်နဲ့ ဘရန်ဒန်ကလခ်တို့ လက်စွမ်းပြနိုင်ဖို့ မျှော်လင့်ရမှာ ဖြစ်ပါတယ်။ စာရွက်ပေါ်က လူစာရင်း အတိုင်းဆိုရင် ထရေးလ်ဘလေဇာတို့ အပြတ်အသတ်အသာရနေပေမယ့် တကယ်တမ်းကွင်းတွင်းစွမ်းဆောင်ရည်ပိုင်းမှာရော ဘယ်လိုအဖြေရလဒ်ထွက်ပေါ်အောင် ကစားနိုင်ကြမလဲဆိုတာ စောင့်ကြည့်ရမှာပါ။ ပို့တ်လန်းထရေးလ်ဘလေဇာတို့ တစ်ပွဲတည်းနဲ့ အပြီးကစားသွားမယ်ထင်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘတ်စကတ်ဘော STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.
