ပရီးမီးယားလိဂ် ကလပ် မန်ချက်စတာယူနိုက်တက်၊ ဝက်စ်ဟမ်းနဲ့ နော့တင်ဟမ်ဖောရက်စ် တို့မှာ ကစားခဲ့ဖူးတဲ့ ဂျက်ဆီ လင်ဂတ် ကတော့ ကေလိဂ် ကလပ် အက်ဖ်စီ ဆိုးလ်မှာ ပျော်ရွှင်နေပြီလို့ သိရပါတယ်။ ဂျက်ဆီ လင်ဂတ်ဟာ ပရီးမီးယားလိဂ် ကလပ် နော့တင်ဟမ်ဖောရက်စ်နဲ့ သက်တမ်း ကုန်ဆုံးသွားချိန်မှာ အားလုံး မထင်မှတ်ပဲ တောင်ကိုရီးယား ကေလိဂ် ကလပ် အက်ဖ်စီ ဆိုးလ်ကို ၂ နှစ် စာချုပ်နဲ့ ပြောင်းရွှေ့သွားခဲ့တာ ဖြစ်ပါတယ်။
ဥရောပ အခြေစိုက် ကစားသမားတွေဟာ ဥရောပ ပြင်ပ ထွက်ခွာ ကစားရင်တော့ ဆော်ဒီပရိုလိဂ်၊ မေဂျာလိဂ်၊ ကာတာလိဂ်နဲ့ တောင်အမေရိကလိဂ်တွေ ကိုသာ သွားရောက် ကစားကြပေမယ့် လင်ဂတ် ကတော့ ထူးထူးခြားခြားပဲ ကေလိဂ်ဆီ သွားရောက် ကစားဖို့သာ ဆုံးဖြတ်ခဲ့တာ ဖြစ်ပါတယ်။
အသက် ၃၁ နှစ် အရွယ် ရှိနေပြီ ဖြစ်တဲ့ အင်္ဂလန် လက်ရွေးစင် ကွင်းလယ် တိုက်စစ် ကစားသမားဟောင်းက ဥရောပ ထိပ်တန်းကစားသမားတွေ သိပ်ပြီး သွားရောက် ကစားလေ့ မရှိတဲ့ တောင်ကိုရီးယား ကေ လိဂ် ပြိုင်ပွဲဝင် ထိပ်သီး ကလပ် အက်ဖ်စီ ဆိုးလ်ဆီ အလွတ် ပြောင်းရွှေ့ကြေးနဲ့ ပြောင်းရွှေ့ခဲ့တာ ဖြစ်ပါတယ်။ အခုဆိုရင်တော့ လင်ဂတ်က အက်ဖ်စီ ဆိုးလ် အတွက် ကေလိဂ် ပွဲစဉ် ၂၁ ပွဲ အထိ ပါဝင် ကစားထားခဲ့ပြီး ၅ ဂိုး သွင်းကာ ၁ ဂိုး ဖန်တီးထားပါတယ်။ လင်ဂတ်ဟာ အက်ဖ်စီဆိုးလ် အတွက် သူ့ရဲ့ အတွေ့အကြုံနဲ့ ခြေစွမ်းတွေကို အကောင်းဆုံး အသုံးချပြီး စွမ်းဆောင်ပေးနေတာ ဖြစ်ပါတယ်။
လက်ရှိ မှာတော့ ဂျက်ဆီ လင်ဂတ်ရဲ့ အက်ဖ်စီ ဆိုးလ် အသင်းက ကေလိဂ် အမှတ်ပေးဇယား အဆင့် ၅ နေရာ ရပ်တည်နိုင်ဖို့ အတွက် ချန်ပီယံရှစ် ပလေးအော့ဖ် အဆင့်ကို တက်လှမ်းခွင့် ရထားခဲ့ပြီးလည်း ဖြစ်ပါတယ်။ ဒါကြောင့် အက်ဖ်စီ ဆိုးလ်က ပလေးအော့ဖ် အဆင့်ဆီ တက်လှမ်းထားတဲ့ အသင်း ၅ သင်းနဲ့ ဆက်လက် ရင်ဆိုင်သွားရမှာလည်း ဖြစ်ပါတယ်။ လင်ဂတ် ကတော့ ကေလိဂ်လို ပြိုင်ပွဲဆီ ပြောင်းရွှေ့ခဲ့ရတဲ့ အကြောင်းရင်းနဲ့ ပတ်သက်လို့တော့ အခုလိုပဲ ပြောကြားလာခဲ့ပါတယ်။
လင်ဂတ်က “လူတွေက ကျွန်တော် ပရီးမီးယားလိဂ် ကနေ တောင်ကိုရီးယား ကေလိဂ် ပြိုင်ပွဲဆီ ဘာကြောင့် ပြောင်းသွားရတာလဲ ဆိုပြီး အံ့ဩနေကြပါတယ်။ ဒါပေမယ့် ကျွန်တော် ကတော့ စွန့်စားမှု အသစ် တစ်ခုနဲ့ စိန်ခေါ်မှု အသစ် တစ်ခုကို လိုချင်လို့ပါ။ နောက်ပြီး ကျွန်တော် အက်ဖ်စီ ဆိုးလ်နဲ့လည်း တစ်ရာသီပဲ စာချုပ်ချုပ်ခဲ့တာ မဟုတ်ဘဲ ၂ နှစ် အထိ စာချုပ် ချုပ်ဆိုရတယ် ဆိုတာ ကလည်း ကျွန်တော်ရဲ့ ပန်းတိုင်က ကျွန်တော့် အသင်း အတွက် ဆုဖလားတွေ ယူဆောင်လာပြီး ဒီအသင်းမှာ အမွှေအနှစ် တစ်ခု ချန်ထားခဲ့ဖို့ပါပဲ။ အဲ့ဒီအတွက် ကျွန်တော် အရမ်းကို နိုင်ပွဲတွေ ဆာလောင်နေပါတယ်။ အခု ကျွန်တော်တို့ ပလေးအော့ဖ် အထိ ရောက်အောင် လုပ်ထားနိုင်လို့ ဒါက မဆိုးရွားလှတဲ့ ပထမ ခြေလှမ်းလို့ ပြောလို့ ရပါတယ်။” ဆိုပြီး ပြောကြားသွားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
