ရလဒ်တွေ တောက်လျောက် ကောင်းမွန်နေတဲ့ စီးရီးအေ ကလပ် အင်တာမီလန် ကတော့ ဘောလုံးအချက်အလက် ဝက်ဘ်ဆိုက် တစ်ခု ဖြင်တဲ့ Opta က သတ်မှတ်တဲ့ စွမ်းဆောင်ရည် အကောင်းဆုံး ကလပ် အသင်း ဖြစ်လာခဲ့ပါပြီ။ အင်တာမီလန်ဟာ အခု တစ်ပတ် ယှဉ်ပြိုင် ကစားခဲ့တဲ့ စီးရီးအေ ပွဲစဉ် ၁၃ အဝေးကွင်း ပွဲစဉ်မှာ ဗီရိုနာကို ၅-၀နဲ့ အနိုင်ရခဲ့ပြီးနောက် အခုလိုမျိုး သတ်မှတ်ခံခဲ့ရတာ ဖြစ်ပါတယ်။
ဒါကြောင့် စီးရီးအေ ထိပ်သီး တို့ဟာ အချိန်ကာလ ကြာရှည်စွာ စွမ်းဆောင်ရည် အကောင်းဆုံး အသင်း အဖြစ် ရပ်တည်နိုင်ခဲ့တဲ့ မန်စီးတီးကို ကျော်ဖြတ်နိုင်ခဲ့တာ ဖြစ်ပါတယ်။ မန်စီးတီးဟာ ပရီးမီးယားလိဂ် ပွဲစဉ် ၁၂ မှာ စပါးကို အိမ်ကွင်းမှာ ၀-၄ ဂိုးနဲ့ ရှုံးနိမ့်ခဲ့တာကြောင့် သူတို့ အချိန်ကာလ အတန်ကြာ ရပ်တည်နိုင်ခဲ့တဲ့ စွမ်းဆောင်ရည် အကောင်းဆုံး ကလပ် ဆိုတဲ့ ဂုဏ်ပုဒ် ကို လွှဲပြောင်းပေးခဲ့ရတာလည်း ဖြစ်ပါတယ်။
Opta ကတော့ ကမ္ဘာပေါ်မှာ ရှိတဲ့ ပရော်ဖက်ရှင်နယ် ကလပ် အသင်းပေါင်း ၁၃၀၀၀ ကျော် (အမျိုးသား)ရဲ့ အောင်မြင်မှု၊ ကွင်းတွင်း စွမ်းဆောင်ရည် မှတ်တမ်း၊ နိုင်ပွဲ ရရှိမှုနဲ့ သွင်းဂိုး ရရှိမှုတို့ အပေါ် အခြေခံပြီး ရမှတ်တွေ တွက်ချက် ထုတ်ပြန်လေ့ရှိတဲ့ ဝက်ဘ်ဆိုက်ဒ် ဖြစ်ပါတယ်။ မန်စီးတီး ကတော့ ဒီလို ထုတ်ပြန်ချက်တွေ အရ ရက်ပေါင်း ၆၀၀ ကျော် ထိပ်ဆုံး ကနေ ဦးဆောင်နိုင်ခဲ့တာ ဖြစ်ပါတယ်။
လက်ရှိမှာ မန်စီးတီးရဲ့ ထိပ်ဆုံး နေရာကို လွှဲပြောင်း ရယူနိုင်ခဲ့တဲ့ အင်တာမီလန်က အသင်းရဲ့ သမိုင်းတလျှောက် ပထမဆုံး အကြိမ် အဖြစ် စွမ်းဆောင်နိုင်ခဲ့တာလည်း ဖြစ်ကြောင်း သိရပါတယ်။ အင်တာမီလန်ဟာ လက်ရှိ ရာသီ ပြိုင်ပွဲစုံ ၁၇ ပွဲ ယှဉ်ပြိုင် ကစားထားရာမှာ ရှုံးပွဲ ၁ ပွဲသာ ရှိခဲ့ပြီးတော့ ၁၁ ပွဲ နိုင်၊ ၅ ပွဲ သရေ ရလဒ်ကို ရရှိခဲ့ပြီး အနိုင် ရာခိုင်နှုန်း ၆၄.၇၁ ရာခိုင်နှုန်း အထိ ရှိခဲ့ပါတယ်။ မန်စီးတီး ကတော့ ပြိုင်ပွဲစုံ နောက်ဆုံး ၅ ပွဲဆက် စံချိန်တင် ရှုံးနိမ့်မှု အပါအဝင် ပြိုင်ပွဲစုံ ၁၉ ပွဲ ယှဉ်ပြိုင်ရာမှာ ၁၀ ပွဲသာ အနိုင်ရရှိပြီး ၄ ပွဲ သရေ၊ ၅ ပွဲ ရှုံးခဲ့တာကြောင့် ထိပ်ဆုံး နေရာ ကနေ ဆင်းပေးခဲ့ရတာ ဖြစ်ပါတယ်။ မန်စီးတီးက လာမယ့် ပွဲစဉ် အဖြစ်လည်း အမှတ်ပေးဇယားကို ဦးဆောင်နေတဲ့ လစ်ဗာပူးလ်နဲ့ ရင်ဆိုင် ကစားရဦးမှာ ဖြစ်ပြီးတော့ ရလဒ်ကောင်းဖို့လည်း မသေချာတဲ့ အခြေအနေ ဖြစ်ပါတယ်။
အင်တာမီလန်ဟာ ပြီးခဲ့တဲ့ ရာသီက စီးရီးအေ ချန်ပီယံဆု ရယူနိုင်ခဲ့သလို၊ အခုရာသီမှာလည်း ချန်ပီယံဆု အတွက် ရေပန်းအစားဆုံး အသင်း အဖြစ် ရပ်တည်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
