ရီးရဲလ်မက်ဒရစ်က ဒီရာသီ လာလီဂါ ထိပ်သီး ရီးရဲလ်မက်ဒရစ်ရဲ့ ဒဏ်ရာပြဿနာ ကလည်း ကြောက်ခမန်းလိလိပါပဲ။ ပွင့်ပွင့်လင်းလင်း ပြောရရင် သူတို့ရဲ့ လက်ရှိ လူစာရင်းက ပြိုင်ပွဲစုံမှာ စစ်မျက်နှာ ဖွင့်ဖို့ လုံလောက်တဲ့ အနေအထားမျိုးမှာ မရှိပါဘူး။ ဒါက တစ်ကိုယ်ရည်စာ အမြင်အရ ပြောတာပါ။
ကော့တွိုက်စ် မထင်မှတ်ဘဲနဲ့ လေ့ကျင့်ရေးကွင်းမှာ ဒူးအရွတ်စုတ်သွားတယ်၊ အဓိက နောက်ခံလူ မီလီတောင် ကပါ အလားတူ ဒဏ်ရာ ပြဿနာမျိုးနဲ့ ထပ်မံ ရင်ဆိုင်ရတယ်။ ဒီကြားထဲ ဝါတစ်ခုတည်းကို ကြည့်ပြီး အားကိုးနေရတဲ့ နောက်ခံလူ အသင်းခေါင်းဆောင် နာချို ကပါ ပွဲပယ် ပြစ်ဒဏ်နဲ့ ရင်ဆိုင်လိုက်ရပါသေးတယ်။
ဒီလောက်အထိ ကြုံခဲ့ပြီးတာတောင်မှ ရီးရဲလ်မက်ဒရစ်တို့ လာလီဂါ အပါအဝင် ပြိုင်ပွဲစုံမှာ ပုံစံကောင်း ပြသပြီး အဖွင့်လှနေတာ အံ့အားသင့်ဖို့တောင် ကောင်းပါတယ်။ တစ်ခုရှိတာက သူတို့ရဲ့ Collective ဖြစ်မှု၊ Flexible ဖြစ်မှု ဒါတွေက အခြား အသင်းတွေနဲ့ ယှဉ်ရင် တော်တော်လေး စကားပြောသွားပါတယ်။
ဂျူ့ဒ် ဘယ်လင်ဟမ် အလျင်အမြန် အထိုင်ကျသွားတာက အန်ဆယ်လော့တီ အတွက်၊ စံချိန်တင် ပြောင်းရွှေ့ကြေး သုံးထားရတဲ့ အသင်း အတွက် တော်တော်လေး အသက်ရှူချောင်သွားစေပါတယ်။ ဒါပေမယ့် ဒါက ရေတို ဖြေရှင်းမှုပဲ ဖြစ်ပြီး ဂိုးတွေ သွင်းပေးမယ့် အဓိက တိုက်စစ်မှူး မရှိတာက မိုးထဲရေထဲ ရောက်ရင် သိသာလာနိုင်ပါတယ်။
ဟိုဆေးလူကို ပွဲထွက် ကစားသမား အဖြစ် အားကိုးလို့ မရတဲ့ အနေအထားမျိုးမှာ ဗင်နီးစီးယပ်စ်နဲ့ ရိုဒရီဂို တို့က တိုက်စစ်က ဂိုးသွင်း တာဝန်ကို ခွဲဝေယူဖို့ အဓိက တည်ထားခဲ့ပါတယ်။ ဒါပေမယ့် မထင်မှတ်ဘဲ ဘယ်လင်ဟမ် ဂိုးသွင်းခြေ တွေ့သွားတာ ကလည်း သူတို့ အတွက် ဖိအားတွေ လျော့ကျစေခဲ့ပါတယ်။
နောက်ပြီး ဒီရာသီမှာ တိုက်စစ် ကစားသမားစစ်စစ် ဂိုးရဖို့ ခက်တဲ့ ကိစ္စ ကလည်း ဘယ်လင်ဟမ်ရဲ့ သွင်းဂိုးတွေကြောင့် လူတွေ မေ့မေ့လျော့လျော့ ဖြစ်နေတာပါ။ ပြောရရင် ဒီအချက်က လာလီဂါ ထိပ်သီးတို့ အတွက် ဟာကွက် တစ်ခုပါပဲ။ ဒီဟာကွက်ကို ဘယ်လင်ဟမ်ရဲ့ စွမ်းဆောင်ရည်တွေနဲ့ ဖုံးထားတာ ဖြစ်ပါတယ်။
ဒါက ဘယ်လောက်အထိ အချိန်ကြာကြာ သွားနိုင်မလဲ ဘယ်သူမှ မပြောနိုင်ပါဘူး။ ဘယ်လင်ဟမ် ဂိုးမသွင်းနိုင်တဲ့ ပွဲတွေ၊ ခြေကျလာတဲ့ အခိုက်အတန့်တွေ ရှိလာနိုင်ပြီး ဒီအချိန်တွေက ရီးရဲလ်မက်ဒရစ်ကို အမှန်တကယ် စာမေးပွဲစစ်မယ့် အချိန်ကာလတွေပါပဲ။
ဂိုးသမား နေရာ အတွက် ကီပါကို ပြန်ခေါ်ထားပေမယ့် နောက်တန်း အတွက် တင်းပြည့် ကျပ်ပြည့် ကစားသမား ပြန်ခေါ်ဖို့ အချိန် မရလိုက်ပါဘူး။ အခုချိန်မှာ အလာဘာ ဒဏ်ရာက ပြန်လည် သက်သာလာတာက သတင်းကောင်း ဆိုပေမယ့် ဥရောပအဆင့်ပွဲကြီးတွေ အတွက် ဒါက လုံလောက်နေလား ဆိုတော့လည်း မဟုတ်ပြန်ပါဘူး။
အခုရာသီက အန်ဆယ်လော့တီ အတွက် နောက်ဆုံး ရာသီပါ။ အရင်က ခြေစွမ်းတွေပြခဲ့တဲ့ ရိုဒရီဂို၊ ဗင်နီးစီးယပ်စ်တို့ ဆီက Miracle Moments တွေ မမြင်ရတာ ကြာနေပြီး အဆုံးအဖြတ် အချိန်တွေမှာ ဘယ်သူတွေ ကယ်တင်မလဲ၊ ဘယ်လိုမျိုး ကျော်ဖြတ်နိုင်မလဲ ဆိုတာ ရီးရဲလ်မက်ဒရစ်တို့ အစမ်းသပ်ခံရဦးမှာပါ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
