အိုနားနား ရောက်လာရင်လည်း အမှားတွေ မြင်ရဦးမှာပဲ ဆိုတဲ့ ဖာဒီနန် (စီးရီးအေ သတင်းများ)

ဒီတစ်ခါ မှာတော့ ဇူလိုင်လ ၁၀ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

အိုနားနား ရောက်လာရင်လည်း အမှားတွေ မြင်ရဦးမှာပဲ ဆိုတဲ့ ဖာဒီနန် 

မန်ချက်စတာယူနိုက်တက်ရဲ့ ဂန္တဝင် နောက်ခံလူဟောင်း ရီယို ဖာဒီနန်က အင်တာမီလန်ဂိုးသမား အန်ဒရီ အိုနားနားနဲ့ ပတ်သက်လို့ ယူနိုက်တက် ပရိသတ်တွေကို သတိပေးလိုက်ပါတယ်။ ယူနိုက်တက်ဟာ အဆိုပါ စီးရီးအေ ဂိုးသမားကို ဒဟဲယား နေရာမှာ အစားထိုးဖို့ ဒီနွေရာသီမှာ ခေါ်ယူမှာ ဖြစ်ပါတယ်။ 

အိုနားနားဟာ အေဂျက်စ်မှာ အဲရစ်ခ် တန်ဟက်ဂ်နဲ့ လက်တွဲခဲ့ဖူးတဲ့ ဂိုးသမားလည်း ဖြစ်ပြီး တန်ဟက်ခ်ရဲ့ ကစားကွက်မှာ အကောင်းဆုံး ပူးပေါင်း ပါဝင်နိုင်တဲ့ ကစားသမား အဖြစ် ပရိသတ်တွေက မျှော်လင့်ထားပါတယ်။ 

ဖာဒီနန် ကတော့ အိုနားနားက ဒဟဲယားရဲ့ နေရာကို အစားထိုးနိုင်တဲ့ ဂိုးသမား တစ်ဦး ဖြစ်ကြောင်း၊ ဒါပေမယ့်လည်း သူ့ရဲ့ စွန့်စားတဲ့ ကစားဟန်ကြောင့် အမှားအယွင်းတွေ ရှိလာနိုင်ပြီး ဒီအခြေအနေတွေ ကိုလည်း မျှော်လင့်ထားရမှာ ဖြစ်ကြောင်း ယူနိုက်တက် ပရိသတ်တွေကို သတိပေးစကား ပြောကြားသွားခဲ့ပါတယ်။ 

လူကာကူ အတွက် စျေးတိုးမြှင့်လိုက်တဲ့ ချဲလ်ဆီးကို ဂျူဗင်တပ်စ် ဒေါသထွက်

ဂျူဗင်တပ်စ်ဟာ ချဲလ်ဆီး တိုက်စစ်မှူး ရိုမယ်လူ လူကာကူကို ခေါ်ယူဖို့ စိတ်ဝင်စားနေပေမယ့် ဒီကစားသမား အတွက် ချဲလ်ဆီး ဘက်က ပြောင်းရွှေ့ကြေး တိုးမြှင့်လိုက်တဲ့ အပေါ် ဒေါသထွက်ခဲ့ကြောင်း သိရပါတယ်။

ချဲလ်ဆီး အနေနဲ့ အဆိုပါ ဘယ်လ်ဂျီယံ လက်ရွေးစင် တိုက်စစ်မှူး အတွက် ပြောင်းရွှေ့ကြေး ပေါင်သန်း (၄၀) ဝန်းကျင် သတ်မှတ်ထားပြီး အင်တာမီလန်ရဲ့ ပေါင် (၂၃) သန်းနဲ့ ကမ်းလှမ်းမှု ကိုလည်း ငြင်းဆန် ပယ်ချခဲ့ပါတယ်။ 

အီတလီ သတင်းစာတွေရဲ့ ဖော်ပြချက်အရ ဂျူဗင်တပ်စ်ဟာ ချဲလ်ဆီး တိုက်စစ်မှူးကို ခေါ်ယူဖို့ စိတ်ဝင်စားနေပေမယ့် ချဲလ်ဆီး ဘက်က ဂျူဗင်တပ်စ်ရဲ့ စိတ်ဝင်စားမှုကြောင့် လူကာကူ အတွက် ပြောင်းရွှေ့ကြေးကို မြှင့်တင်လိုက်ကြောင်း အင်တာမီလန်ထံ အသိပေးခဲ့ပါတယ်။ အဲ့ဒီလိုမျိုး လုပ်ရပ်ကြောင့်လည်း စီးရီးအေ ကလပ် ဂျူဗင်တပ်စ်ဘက်က ချဲလ်ဆီးကို ဒေါသထွက်ခဲ့ကြောင်း သတင်းတွေက ဖော်ပြထားပါတယ်။ 

ရော်နယ်ဒိုက ကျွန်တော့်ကို ဆော်ဒီ မခေါ်ချင်ဘူးဆိုတဲ့ ကွာဒရာဒို 

ဂျူဗင်တပ်စ်နဲ့ ချဲလ်ဆီး တို့ရဲ့ တောင်ပံ ကစားသမားဟောင်း ဂျူအန် ကွာဒရာဒိုက အသင်းဖော်ဟောင်း ခရစ္စတီယာနို ရော်နယ်ဒိုက သူ့ကို ဆော်ဒီအာရေဗျထံ ခေါ်ယူလိုခြင်း မရှိကြောင်း ပြောကြားသွားခဲ့ပါတယ်။ 

သူတို့ နှစ်ဦးဟာ စီးရီးအေ ကလပ်မှာ (၃) နှစ်ကြာ အတူ တွဲကစားခဲ့ဖူးပြီး ကွင်းတွင်း၊ ကွင်းပြင် မိတ်ဆွေကောင်းတွေ ဖြစ်ခဲ့ကြပါတယ်။ လက်ရှိအချိန်မှာ ကွာဒရာဒိုက ဂျူဗင်တပ်စ်နဲ့ လမ်းခွဲခဲ့ပြီးနောက် အသင်း လက်မဲ့ ဖြစ်နေပြီး ဆော်ဒီမြေကို ပြောင်းရွှေ့ဖို့ သတင်းတွေ ထွက်ပေါ်နေပါတယ်။   

ဒီသတင်းတွေ အပေါ်မှာ ကွာဒရာဒိုက လက်ရှိ အခိုက်အတန့်မှာ ကျွန်တော်က ယှဥ်ပြိုင်လိုစိတ်နဲ့ စိတ်အား ထက်သန်မှု အပြည့် ရှိနေသေးကြောင်း၊ ရော်နယ်ဒို ကတော့ သူ့ကို ဆော်ဒီ မခေါ်ချင်ကြောင်း၊ သူ့ အနေနဲ့ အေးအေးဆေးဆေး ရှိနေပြီး အကောင်းဆုံး ကိုပဲ စဥ်းစားထားကြောင်း၊ အေးဂျင့် ဖြစ်သူက အခြေအနေမျိုးစုံကို ပြောပြနေပြီး ရွေးချယ်စရာတွေ ထဲက အကောင်းဆုံး ဖြစ်မယ့် အရာကို ရွေးချယ်မှာ ဖြစ်ကြောင်း ပြောကြားသွားခဲ့ပါတယ်။ 

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.