ဒီဇင်ဘာ ၁၂ ရက်နေ့ မနက်ခင်း အထိ ရရှိထားသမျှ ကမ္ဘာ့ဖလားနဲ့ ပတ်သတ်တဲ့ စိတ်ဝင်စားစရာ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။
ကမ္ဘာ့ဖလား ဆီမီးဖိုင်နယ်ရောက် အသင်းတွေထဲမှာ ဘေယန် ကစားသမား အများဆုံး ပါဝင်နေ
လက်ရှိ ကမ္ဘာ့ဖလား ဆီမီးဖိုင်နယ်အဆင့်ကို ရောက်ရှိနေတဲ့ အသင်းတွေထဲမှာ ဂျာမန် ဘွန်ဒက်စ်လီဂါ ကလပ် ဘေယန်မြူးနစ် အသင်းက ကစားသမား (၆) ယောက် အထိ ပါဝင်နေကြောင်း သိရပါတယ်။
ကင်စလေ ကိုးမန်း၊ ပါဗက်၊ ယူပါမီကာနို၊ လူးကပ်စ် ဟာနန်ဒက်ဇ် တို့က ပြင်သစ်၊ စတန်နစ်ဆစ်က ခရိုအေးရှားနဲ့ မာဇာရူအီက မော်ရိုကို ကစားသမားတွေ အဖြစ် ပါဝင်နေကြတာလည်း ဖြစ်ပါတယ်။
အင်္ဂလန်နဲ့ပွဲ မတိုင်ခင်မှာ ဝေါ်လ်ကာရဲ့ လျစ်လျူရှုတာ ခံလိုက်ရတဲ့ အမ်ဘာပေ
ပြင်သစ် လက်ရွေးစင် ကြယ်ပွင့် ကီလီယန် အမ်ဘာပေးဟာ အင်္ဂလန်နဲ့ ကစားခဲ့တဲ့ ကမ္ဘာ့ဖလား ကွာတားဖိုင်နယ် ပွဲစဥ် မတိုင်ခင်မှာ ပြိုင်ဘက် ကစားသမား ကိုင်လ် ဝေါ်လ်ကာကို လက်ဆွဲနှုတ်ဆက်ဖို့ ကမ်းလှမ်းခဲ့ပေမယ့် ဝေါ်လ်ကာက လျစ်လျူရှုသွားခဲ့ကြောင်း သိရပါတယ်။ ဒီပွဲမှာ ပြင်သစ်က နှစ်ဂိုး တစ်ဂိုးနဲ့ အင်္ဂလန်ကို အနိုင်ရရှိကာ ဆီမီးဖိုင်နယ် အဆင့်ကို တက်ရောက်သွားနိုင်ခဲ့ပါတယ်။
အဆိုပါ ပွဲမတိုင်ခင်တည်းက ပြင်သစ်က အမ်ဘာပေးကို အင်္ဂလန် နောက်ခံလူတွေ ထိန်းချုပ်နိုင်ခြင်းရှိ၊ မရှိကို ပရိသတ်တွေ အကြား အငြင်းပွားခဲ့ပြီး အမ်ဘာပေးကတော့ ဒါတွေကို ဂရုမစိုက်တဲ့ အနေနဲ့ ဝေါ်လ်ကာကို လက်ဆွဲ နှုတ်ဆက်ဖို့ ကမ်းလှမ်းခဲ့တာပါ။
ပြင်သစ်ရဲ့ ဆီမီးဖိုင်နယ်ပွဲကို သမ္မတကိုယ်တိုင် လာရောက်အားပေးမယ်လို့ ကြေညာ
ပြင်သစ် လက်ရွေးစင် အသင်းရဲ့ မော်ရိုကိုနဲ့ ရင်ဆိုင်ရမယ့် ကမ္ဘာ့ဖလား ဆီမီးဖိုင်နယ်ပွဲကို ပြင်သစ် သမ္မတ အီမန်နျူရယ် မက်ခရွန် ကိုယ်တိုင် လာရောက်အားပေးမှာ ဖြစ်ကြောင်း ပြင်သစ် အားကစားဝန်ကြီးဌာနက အတည်ပြု ကြေညာခဲ့ပါတယ်။
ပြင်သစ်ဟာ ဒီနှစ် ကမ္ဘာ့ဖလား ပြိုင်ပွဲရဲ့ လက်ရှိချန်ပီယံ အသင်း တစ်သင်း ဖြစ်ပြီး မော်ရိုကိုနဲ့ ဆီမီးဖိုင်နယ်မှာ ရင်ဆိုင်ရမှာပါ။ ပြင်သစ် အားကစားဝန်ကြီး ကက်စ်တာရာက ခရီးစဥ်နဲ့ ပတ်သက်လို့ အသေးစိတ်ကို မသိရှိရသေးကြောင်း၊ ဒါပေမယ့် မက်ခရွန်က မော်ရိုကိုနဲ့ ပွဲကို လာရောက် အားပေးဖို့ ကတိပေးထားကြောင်း ကြေညာခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
