ဘေယန်မြူးနစ်အသင်းကို ပြောင်းရွှေ့ဖို့ အတွက် ချန်ပီယံလိဂ် ပြီးဆုံးချိန်အထိ မစောင့်ဆိုင်းနိုင်လို့ အလျင်အမြန်ပဲ ပြောင်းရွှေ့ခဲ့တာ ဖြစ် ပေမယ့် မန်ချက်စတာစီးတီးအသင်း ချန်ပီယံလိဂ်ဖလားရရှိခဲ့ရင်လည်း ပျော်ရွှင်မိမှာ ဖြစ်ကြောင်း ဆာနေး က ပြောကြားလိုက်ပါတယ်။
အသက် ၂၄ နှစ်အရွယ် ဆာနေးက ဘေယန်မြူးနစ်အသင်းကို တရား၀င်ရောက်ရှိလာခဲ့ပြီးတော့ သူ့ရဲ့ ပထမဆုံးသတင်းစာရှင်းလင်းပွဲမှာ အခုလိုပဲ ထုတ်ဖော်ပြောကြားသွားခဲ့တာ ဖြစ်ပါတယ်။ဆာနေးဟာ ဘေယန်မြူးနစ်အသင်းနဲ့ ဆွေးနွေးမှုတွေ အများအပြားပြုလုပ်အပြီးမှာ ဘေယန်မြူးနစ်အသင်းကို အမြန်ဆုံးရောက်ရှိဖို့ ဆုံးဖြတ်ခဲ့ပြီးတော့ ဆာေနးကရာသီသစ်အတွက် ပြင်ဆင်ချိန်များများရဖို့ အလျင်အမြန်ပြောင်းရွှေ့ခဲ့တာဖြစ်ကြောင်းပြောကြားသွားခဲ့ပါတယ်။
![ဆာနေးကတော့ မန်စီးတီးမှာ ငါးရာသီကြာကစားခဲ့ပြီး စာချုပ်သစ်ကမ်းလှမး်မှုကို ငြင်းဆန်ခဲ့](https://iniberitakita.com/wp-content/uploads/2020/07/Leroy-Sane.jpg)
ဆာနေးက “ ဒါကြောင့် စောစောပြောင်းရွှေ့ပြီး ရာသီသစ်အတွက် ပြင်ဆင်မှုတွေကောင်းကောင်းလုပ်နိုင်ဖို့ ကျွန်တော်ရွေးချယ်ခဲ့တာပါ၊ ချန်ပီယံလိဂ်ပြီးမှ ပြောင်းရွှေ့မယ်ဆိုတာက မဖြစ်နိုင်ခဲ့ပါဘူး၊ တကယ်လို့ စီးတီးက ဆုဖလားရခဲ့မယ်ဆိုရင်လည်း အသင်းအတွက်၊ ကျွန်တော့်သူငယ်ချင်းတွေအတွက် ပျော်ရွှင်မိပါတယ်၊ ဒါပေမယ့် အဲဒါက ကျွန်တော်လိုချင်ခဲ့တဲ့အရာပါ၊ တကယ်ပဲ အဲလိုဖြစ်လာမယ်ဆိုရင်လည်း ကျွန်တော်ဆုံးဖြတ်ခဲ့တာဖြစ်လို့ ဘာမှမဖြစ်ဘူးလို့ ကျွန်တော်တွေးထားပြီးသားပါ” လို့ ဆာနေးက ပြောဆိုခဲ့ပါတယ်။
ဆာနေးကတော့ မန်စီးတီးမှာ ငါးရာသီကြာကစားခဲ့ပြီး စာချုပ်သစ်ကမ်းလှမး်မှုကို ငြင်းဆန်ခဲ့သူဖြစ်ပါတယ်။ ဒီတစ်ရာသီလုံးမှာလည်း ဆာနေးအနေနဲ့ ဒူးဒဏ်ရာကြောင့် အနားယူနေခဲ့ရပြီး ပြန်လည်သက်သာလာချိန်မှာလည်း ပုံမှန်နေရာရရှိဖို့က မလွယ်ကူတာကြောင့် ဘိုင်ယန်မြူးနစ်ကို ပြောင်းရွှေ့ဖို့ ရွေးချယ်ခဲ့တာဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.